ഏറെക്കാലത്തെ പ്രണയത്തിനൊടുവില്‍ വിഘ്‍നേശ് ശിവനും നയൻതാരയും വിവാഹിതരായത് ജൂൺ ഒമ്പതിനായിരുന്നു. മഹാബലിപുരം ഷെറാട്ടണ്‍ ഗ്രാന്‍ഡ് ഹോട്ടലില്‍ വച്ചായിരുന്നു വിവാഹം. എന്നാൽ വിവാഹം കഴിഞ്ഞ് ഒരു മാസം ആകാറാകുന്നുവെങ്കിലും മാധ്യമങ്ങളും ആരാധകരുമൊക്കെ ഇരുവർക്കും പിന്നാലെ തന്നെയാണ്. വിവാഹം കഴിഞ്ഞയുടൻ ഇരുവരും ക്ഷേത്രദർശനത്തിനായി സമയം കണ്ടെത്തുകയായിരുന്നു. വിവാഹത്തിൻ്റെ തൊട്ടു പിന്നാലെ ആദ്യരാത്രിയും കഴിഞ്ഞ് ഇരുവരും ആദ്യം എത്തിയത് തിരുപ്പതി വെങ്കിടാചലപതിയുടെ അടുത്താണ്. ബാക്കി വെച്ച വഴിപാടുകൾ ചെയ്തു തീർത്ത ശേഷം നയൻസും വിക്കിയും കൊച്ചിയ്ക്ക് പറന്നു. നേരേ പോയത് ചെട്ടികുളങ്ങര ഭഗവതിയ്ക്ക് മുന്നിൽ. ഇതിനു മുൻപേ ചോറ്റാനിക്കര ക്ഷേത്രത്തിലും നയൻസും വിക്കിയും എത്തിയിരുന്നു. ക്ഷേത്രദർശനമെല്ലാം കഴിഞ്ഞാണ് ഇരുവരും കൊച്ചിയിലെ ഫ്ലാറ്റിലുള്ള നയൻസിൻ്റെ അമ്മയെ കാണാനായി എത്തിയത്. ഇവിടെ മൂന്ന് ദിവസത്തോളം കഴിഞ്ഞ ശേഷം ഇവർ തങ്ങളുടെ ഹണിമൂൺ യാത്ര ആരംഭിച്ചു. വിവരങ്ങളെല്ലാം അന്നേരമന്നേരം തന്നെ സോഷ്യൽ മീഡിയ വഴി പുറത്ത് വരുന്നുമുണ്ടായിരുന്നു. വളരെ രഹസ്യമായിട്ടാണ് ഇരുവരും ഹണിമൂണിനായി തായ്ലൻഡിലേക്ക് പറന്നതെങ്കിലും ഒരു സൂചനയും തരാതെ ഒരു ചിത്രം വിക്കി പങ്കുവെക്കുകയുണ്ടായി. ആരാധകർക്ക് സ്ഥലം കണ്ടു പിടിക്കാൻ വേറെന്തു വേണം. തായ്ലൻഡിൽ സൂര്യോദയം കാണുന്ന ഇരുവരുടെയും ചിത്രങ്ങൾ പിന്നാലെ വിഘ്നേഷ് സോഷ്യൽ മീഡിയയിലൂടെെ പങ്കുവെക്കുകയും ചെയ്തിരുന്നു.

എന്നാൽ ഈ ചിത്രങ്ങളിലെല്ലാം സ്റ്റൈലൻ ഗെറ്റപ്പിലും മഞ്ഞച്ചരടിൽ കോർത്ത താലി നയൻസ് കഴുത്തിൽ തന്നെ അണിഞ്ഞിട്ടുണ്ട് എന്നതാണ് ശ്രദ്ധേയം. മഞ്ഞച്ചരടിൽ കോർത്ത താലി സ്വർണ്ണ മാലയിലേക്ക് മാറ്റാൻ ദിവസങ്ങളെടുക്കും. തമിഴ് ആചാരപ്രകാരമായിരുന്നു ഇവരുടെ വിവാഹം എന്നതിനാൽ തന്നെ മഞ്ഞച്ചരടിൽ കോർത്ത താലിയും തമിഴ് ആചാരത്തിൻ്റെ ഭാഗമായുള്ളതാണ്. താരതമ്യേന വലുപ്പക്കൂടുതലുള്ള ചരടിലാണ് നയൻതാരയുടെ മംഗല്യസൂത്രം കോർത്തിരിക്കുന്നത്. സുമംഗലിയായതോടെ നയൻതാര സ്റ്റൈലും ആചാരവും ഒരുപോലെ കൊണ്ടുപോകുന്നത് എങ്ങനെ ആണ് എന്ന് അറിയാൻ ഒരുപാട് ആരാധകരാണ് കാത്തിരിക്കുന്നത്.