1997 ലെ കളിയൂഞ്ഞാൽ എന്ന ചിത്രത്തിൽ ബാലതാരമായി എത്തി വളരെ പെട്ടെന്ന് തന്നെ മലയാളികളുടെ പ്രിയ താരമായി മാറിയ നടിയാണ് മഞ്ജിമ മോഹൻ. അടുത്തിടെയാണ് താരം വിവാഹിതയാകുന്നുവെന്ന വാർത്ത പുറത്തുവന്നത്. നടൻ ഗൗതം കാർത്തിക്കാണ് മഞ്ജിമയുടെ വരൻ ഇക്കാര്യം താരം തന്നെയാണ് ഇൻസ്റ്റഗ്രാമിലൂടെ പങ്കുവച്ചത്.

2019 ൽ ഇരുവരും അഭിനയിച്ച ദേവരാട്ടം മുതൽ ഇരുവരും പ്രണയത്തിലായിരുന്നുവെന്നാണ് റിപ്പോർട്ട്. ഇപ്പോഴിതാ ഇരുവരുടേയും പ്രീ വെഡ്ഡിംഗ് ചിത്രങ്ങളാണ് താരം പോസ്റ്റ് ചെയ്തിരിക്കുന്നത്. ഇരുവരും പ്രണയത്തിലാണെന്ന തരത്തിലുള്ള റിപ്പോര്‍ട്ടുകള്‍ വളരെ മുന്നേ പ്രചരിച്ചുവെങ്കിലും അടുത്തിടെയായാണ് താരങ്ങള്‍ ഇത് സ്ഥിരീകരിച്ചത്.

വിവാഹത്തിനുള്ള ഒരുക്കങ്ങള്‍ തുടങ്ങിയെന്നും ഇവര്‍ അറിയിച്ചിരുന്നു. നവംബര്‍ 28ന് പ്രിയപ്പെട്ടവരുടെ സാന്നിധ്യത്തില്‍ വിവാഹം നടക്കുമെന്നും താരങ്ങള്‍ വ്യക്തമാക്കിയിരുന്നു. ബാലതാരമായി അഭിനയരംഗത്ത് സജീവമായി പിന്നീട് നായികയായും തിളങ്ങിയ മഞ്ജിമ മോഹൻ പ്രശസ്ത ഛായാഗ്രാഹകനായ വിപിൻ മോഹന്റെ മകളാണ്.