സ്‌നേഹം കൂടുമ്പോള്‍ ഭര്‍ത്താവ് ആന്‍സണ്‍ ചേട്ടന്‍ പിശാചേ എന്നു വിളിക്കും; കുരങ്ങാ എന്ന് മാത്രമല്ല, സ്‌നേഹം കൂടുമ്പോള്‍ അണ്ണാന്‍ കുഞ്ഞേ എന്നും, കാടപ്പൂച്ചേ എന്നുമൊക്കെ മകനെ വിളിക്കാറുണ്ട്; തുറന്നടിച്ച് ഡിംപിള്‍ റോസ്
കുടുംബ പ്രേക്ഷകരുടെ മനസ്സിൽ വളരെ മുൻപ് തന്നെ സ്ഥാനം നേടിയ നടിയാണ് ഡിംപിൾ റോസ്. ബാലതാരമായി അഭിനയ ലോകത്തേക്ക് എത്തിയതാണ് ഡിംപിള്‍ റോസ്. പിന്നീട് നായികയായി സീരിയലുകളില്‍ സജീവമായി. ഡിംപിൾ തന്റെ വിശേഷങ്ങൾ ആരാധകരുമായി പങ്കുവെയ്ക്കാറുണ്ട്. ഇടയ്ക്ക് യൂട്യൂബ് ചാനലിലൂടെ മകന്റെ വിശേഷങ്ങളും ഡിംപിള്‍ പങ്കു വയ്ക്കാറുണ്ട്.
എന്നാല്‍ കഴിഞ്ഞ ഒരു വീഡിയോയില്‍ ഡിംപിളിന് നേരെ വ്യാപകമായ നെഗറ്റീവ് കമന്റുകള്‍ വന്നു. സ്വന്തം മോനെ ഇങ്ങനെയാണോ വളര്‍ത്തുന്നത്, നീയൊക്കെ ഒരമ്മയാണോ എന്നൊക്കെ ചോദിച്ചുകൊണ്ടുള്ള നെഗറ്റീവ് കമന്റുകള്‍ ആയിരുന്നു അത്. സ്വന്തം മകനെ കുരങ്ങന്‍ എന്ന് വിളിച്ചതാണ് തെറ്റായത്. എങ്ങെ കുഞ്ഞിനോ നോക്കി അങ്ങനെ വിളിക്കാന്‍ കഴിയുന്നു എന്ന് ചോദിച്ചാണ് കമന്റുകള്‍ വന്നത്. അതിനെല്ലാം മറുപടി നല്‍കി എത്തിയിരിക്കുകയാണ് ഡിംപിള്‍.
എന്നാല്‍ അത് എന്റെ മോനെ കളിയാക്കി വിളിച്ചതല്ല, സ്‌നേഹക്കൂടുതല്‍ കൊണ്ടു വിളിച്ചതാണ് എന്ന് ഡിംപിള്‍ പറയുന്നു. കുരങ്ങാ എന്ന് മാത്രമല്ല, സ്‌നേഹം കൂടുമ്പോള്‍ അണ്ണാന്‍ കുഞ്ഞേ എന്നും, കാടപ്പൂച്ചേ എന്നുമൊക്കെ വിളിക്കാറുണ്ട്. സ്‌നേഹം കൂടുമ്പോള്‍ ഭര്‍ത്താവ് ആന്‍സണ്‍ ചേട്ടന്‍ തന്നെ വിളിക്കുന്നത് പിശാചേ എന്നാണെന്നും ഡിംപിള്‍ പറയുന്നു.
ഇഷ്ടമുള്ളവര്‍ക്കിടയില്‍ വരുന്ന സ്വാഭാവികമായ വിളിയാണത്. വീട്ടില്‍ എല്ലാവരും അങ്ങനെയൊക്കെ തന്നെയാണ്. അതാരെയും വേദനിപ്പിക്കാന്‍ വേണ്ടിയല്ല. പക്ഷെ ഇത്രയും ആളുകള്‍ കാണുന്ന വീഡിയോയില്‍ ഞാന്‍ അത് വിളിക്കാന്‍ പാടില്ലായിരുന്നു. സ്‌നേഹത്തോടെ അങ്ങനെ വിലിക്കരുത് എന്ന് പറഞ്ഞവരുടെ അഭിപ്രായത്തെ ഞാന്‍ മാനിക്കുന്നു. അതുകൊണ്ട് ഇനിയങ്ങനെ വിളിക്കുമ്പോള്‍ ഞാന്‍ ശ്രദ്ധിയ്ക്കും. എന്നാല്‍ വിമര്‍ശിക്കാന്‍ വേണ്ടി മാത്രം കുത്തുവാക്കുകള്‍ പറഞ്ഞവരോട് മറുപടിയില്ല- ഡിംപിള്‍ പറഞ്ഞു.
https://www.facebook.com/Malayalivartha
