സിനിമയില്‍ അഭിനയിക്കാന്‍ താത്പര്യമുള്ള നിരവധി പേര്‍ ഒരു അവസരത്തിനായി കാത്തുനില്‍ക്കുകയാണ്. അത്തരക്കാര്‍ക്ക് അവസരവുമായി എത്തിയിരിക്കുകയാണ് പൊങ്കാല ടീം. എ ബി ബിനില്‍ എഴുതി സംവിധാനം ചെയ്യുന്ന പൊങ്കാല എന്ന ചിത്രത്തിലേക്ക് പുതുമുഖങ്ങളേ തേടുകയാണ്.

ശ്രീനാഥ് ഭാസി, ബാബുരാജ്, ബിബിന്‍ ജോജ്, അപ്പാനി ശരത് എന്നിവരുടെ കുട്ടിക്കാലം അവതരിപ്പിക്കാന്‍ ഇവരുടെ രൂപ സാദൃശ്യമുള്ള മിടുക്കരായ കുട്ടികളെയാണ് ആവശ്യം. അതിന് പുറമേ ശ്രീനാഥ് ഭാസിയുടെ അനിയത്തിയായി അഭിനയിക്കാന്‍ 20 വയസുള്ള പെണ്‍കുട്ടിയെയും അണിയറ പ്രവര്‍ത്തകര്‍ തേടുന്നുണ്ട്. കൊച്ചി തീരദേശത്തുള്ളവര്‍ക്ക് മുന്‍ഗണനയെന്നാണ് പൊങ്കാല ടീം അറിയിച്ചത്.

25 വയസ് മുതല്‍ 45 വയസുവരെയുള്ള പുതുമുഖങ്ങളായ പുരുഷന്മാര്‍ക്കും സിനിമയില്‍ അഭിനയിക്കാന്‍ അവസരമുണ്ട്. താല്‍പ്പര്യമുള്ളവര്‍ എഡിറ്റ് ചെയ്യാത്ത ഫോട്ടോയും വീഡിയോയും ജൂലായ് പത്തിന് മുമ്പായി castingponkala@gmail.com എന്ന ഇ- മെയില്‍ വിലാസത്തിലേക്കോ +91 9497378968 എന്ന വാട്സാപ്പ് നമ്പറിലേക്കോ അയക്കുക.

2000 കാലഘട്ടത്തില്‍ വൈപ്പിന്‍, മുനമ്പം തീരപ്രദേശങ്ങളില്‍ നടന്ന ഒരു സംഭവകഥയെ ആസ്പദമാക്കിയുള്ളതാണ് ഈ ചിത്രം. പൂര്‍ണമായും ആക്ഷന്‍ ഹ്യൂമര്‍ പശ്ചാത്തലത്തിലൂടെ അവതരിപ്പിക്കുന്നചിത്രത്തില്‍ ബാബുരാജ്, ബിബിന്‍ ജോര്‍ജ്, അപ്പാനി ശരത്, സൂര്യാ കൃഷ്ണാ, ഷമ്മി തിലകന്‍, ഇന്ദ്രന്‍സ്, യാമി സോന, ദുര്‍ഗാ കൃഷ്ണ, മാര്‍ട്ടിന്‍, മുരുകന്‍, പ്രവീണ എന്നിവരാണ് പ്രധാന വേഷങ്ങളിലെത്തുന്നത്.