യുഎഇയിലെ മുന്‍ റേഡിയോ അവതാരകന്‍ അന്തരിച്ചു... ശശികുമാര്‍ രത്‌നഗിരിയുടെ വിയോഗത്തില്‍ അനുശോചനം രേഖപ്പെടുത്തി നടന്‍ സുരാജ് വെഞ്ഞാറമൂട്
യുഎഇയിലെ മുന്‍ റേഡിയോ അവതാരകന്‍ അന്തരിച്ചു... തിരുവനന്തപുരം വെഞ്ഞാറമൂട് അവനവഞ്ചേരി ശാന്തി നഗറില്‍ കുന്നുവിള വീട്ടില്‍ ശശികുമാര്‍ രത്‌നഗിരി(48) നാട്ടില്‍ അന്തരിച്ചു. ശശികുമാര്‍ രത്‌നഗിരിയുടെ വിയോഗത്തില്‍ അനുശോചനം രേഖപ്പെടുത്തി
നടന്‍ സുരാജ് വെഞ്ഞാറമൂട്
റാസല്‍ഖൈമയില്‍ നിന്ന് പ്രക്ഷേപണം ചെയ്തിരുന്ന റേഡിയോ ഏഷ്യയില്‍ രണ്ടു പതിറ്റാണ്ടോളം ശശികുമാര്‍ ജോലി ചെയ്തിരുന്നു. പിന്നീട് പ്രവാസ ജീവിതം മതിയാക്കി നാട്ടിലേക്ക് മടങ്ങുകയായിരുന്നു. നിലവില്‍ സിനിമ, സീരിയല്‍ രംഗത്ത് ഡബ്ബിങ് ആര്‍ട്ടിസ്റ്റ് ആയി പ്രവര്‍ത്തിച്ചുവരവേയായിരുന്നു അന്ത്യം.
കേരളത്തിലെ പ്രധാന സമിതികളിലൂടെ ഒട്ടേറെ നാടകങ്ങളില്‍ അഭിനയിക്കുകയും പുരസ്‌കാരങ്ങള്‍ നേടുകയും ചെയ്തിട്ടുണ്ട്. ഭാര്യ: രഞ്ജിനി. മകന്‍: ഇന്ദുചൂഢന്‍. സംസ്‌കാരം ഇന്ന് ഉച്ചയ്ക്ക് 12 ന് ശേഷം സ്വവസതിയില്‍. ശശികുമാറിന്റെ വിയോഗത്തില്‍ പ്രവാസ ലോകത്തെ അദ്ദേഹത്തിന്റെ സഹപ്രവര്‍ത്തകരും സുഹൃത്തുക്കളും അനുശോചിച്ചു.
നടന്‍ സുരാജ് വെഞ്ഞാറമൂടും സമൂഹമാധ്യമത്തിലൂടെ ശശികുമാര്‍ രത്‌നഗിരിയുടെ വിയോഗത്തില്‍ അനുശോചനം അറിയിച്ചു.
https://www.facebook.com/Malayalivartha
