മലയാളികളുടെ ഇഷ്ട താര കുടുംബമാണ് ജയറാം പാർവ്വതിയുടേത്. കഴിഞ്ഞ മാസം ആയിരുന്നു കാളിദാസ് ജയറാമിന്റെ വിവാഹം. ഗുരുവായൂരിൽ വെച്ച് വളരെ ആർഭാട പൂർണമായ വിവാഹമായിരുന്നു നടന്റെത്. ഇപ്പോഴിതാ മാളവിക ജയറാം പങ്കുവെച്ച ഒരു കുറിപ്പാണ് വൈറലായി മാറുന്നത്.  അൽപം വൈകിപ്പോയി. പക്ഷേ, എത്ര മനോഹരമായ മറക്കാനാകാത്ത ഡിസംബറായിരുന്നു കടന്നുപോയത്.  എന്നെ ഈ ആഘോഷത്തിന് ഒരുക്കിയവരെ കുറിച്ച് ഓർക്കാതിരിക്കാനാകില്ല. നിങ്ങളെല്ലാവരും ചേർന്നാണ് ഈ നിമിഷങ്ങള്‍ കൂടുതൽ മനോഹരമാക്കിയത്. എല്ലാവരുടെയും കഠിന പ്രയത്നത്തിനും സ്നേഹത്തിനും വലിയ നന്ദി അറിയിക്കുന്നു. നിങ്ങളില്ലായിരുന്നെങ്കിൽ ഇതൊന്നും സാധ്യമാകില്ല. ’  എന്നായിരുന്നു എല്ലാവർക്കും നന്ദി പറഞ്ഞുകൊണ്ടുള്ള കുറിപ്പില്‍ താരം പറയുന്നത്. കാളിദാസിനും താരിണിക്കും നവനീതിനും ഒപ്പമുള്ള ചിത്രങ്ങളാണ് മാളവിക പങ്കുവച്ചത്. ഗൗൺ, മിഡി ഡ്രസ്, സൽവാർ തുടങ്ങിയ വസ്ത്രങ്ങളിലുള്ള ചിത്രങ്ങള്‍ താരം പങ്കുവച്ചവയിൽ ഉൾപ്പെടുന്നു. വസ്ത്രങ്ങൾക്കിണങ്ങുന്ന രീതിയിലുള്ള ആക്സസറീസും മേക്കപ്പും ഉപയോഗിച്ചിരിക്കുന്നു. സമൂഹമാധ്യമങ്ങളിലെത്തി നിമിഷങ്ങൾക്കകം തന്നെ ചിത്രങ്ങള്‍ വൈറലായി മാറി.