വളർത്ത് നായ്ക്കളെ താലോലിക്കാനും വളർത്താനും ഇഷ്ട്ടപ്പെടുന്നവർ ധാരാളമുണ്ട്. നമ്മുടെ പലരുടെയും വീട്ടിൽ നായ്ക്കൾ വാലാട്ടി ഓടി നടക്കാറുമുണ്ട്. എന്നാൽ വീട്ടിൽ വളർത്ത് നായ ഉള്ളവർ ജാഗ്രത. മുൻകരുതൽ എടുക്കേണ്ടുന്ന വാർത്തയാണ് ഇപ്പോൾ പുറത്ത് വരുന്നത്. വളര്‍ത്തു നായയുടെ ഉമിനീരിൽ നിന്നുണ്ടായ അണുബാധ മൂലം ഒരു വ്യക്തിക്ക് ജീവൻ നഷ്ടമായിരിക്കുകയാണ്. ഇത് കേട്ട് പേടിക്കാനോ ,പരിഭ്രാന്തരാകാനോ അല്ല. മറിച്ച് മുൻകരുതൽ എടുക്കാനാണ് ഈ വാർത്ത അറിയിക്കുന്നത്. ജര്‍മനിയിലുള്ള ഒരു 63 കാരനാണ്‌ വളർത്ത് നായയുടെ ഉമിനീരിൽ നിന്നും ബാധയുണ്ടായത്. വളര്‍ത്തു നായയുടെ ഉമിനീരിൽനിന്നുണ്ടായ അണുബാധ മൂലം അദ്ദേഹത്തിനു നഷ്ടപ്പെട്ടത് സ്വന്തം ജീവനാണ്. വളര്‍ത്തുനായയുമായി കളിക്കുമ്പോള്‍ നായയുടെ ഉമിനീരിൽക്കൂടി ക്യാപ്‌നോസൈറ്റോഫാഗ കാനിമോർസസ് എന്ന ബാക്ടീരിയ ഇദ്ദേഹത്തിന്റെ ശരീരത്തില്‍ എത്തുകയായിരുന്നു. മാത്രമല്ല മാരകമായ അണുബാധ ഉണ്ടാകുകയും ചെയ്തു. അങ്ങനെ അവയവങ്ങളുടെ പ്രവര്‍ത്തനം നിലച്ചായിരുന്നു അദ്ദേഹം മരിച്ചത്.

ഒപ്പം കടുത്ത ന്യുമോണിയയും അദ്ദേഹം നേരിട്ടിരുന്നു. ശരീരമാസകലം ചുവന്നു തടിക്കുകയും ചെയ്തുവെന്നും റിപ്പോര്‍ട്ട്‌ ഉണ്ട്. എന്നാൽ ഇദ്ദേഹത്തിന്റെ പേരു ഇത് വരെ വെളിപ്പെടുത്തിയിട്ടില്ല. കടുത്ത പനിയുമായി ആശുപത്രിയില്‍ എത്തിയതായിരുന്നു അദ്ദേഹം. പിന്നീട് രോഗിക്ക് രോഗം മൂര്‍ച്ഛിക്കുകയായിരുന്നു. മാത്രമല്ല ദേഹമാകെ ചുവന്നു തടിക്കുകയും ചെയ്യുകയായിരുന്നു. ഇതിനൊക്കെ പിന്നാലെ വൃക്ക, ശ്വാസകോശം എന്നിവയുടെ പ്രവര്‍ത്തനം നിലച്ചു മരണം സംഭവിക്കുകയും ചെയ്തു. ഒടുവിൽ എവിടെ നിന്നുമാണ് ഇത് സംഭവിച്ചതെന്ന അന്വേഷണത്തിലാണ് നായയില്‍ നിന്നാണ് അണുബാധ ഉണ്ടായതെന്നു കണ്ടെത്താൻ കഴിഞ്ഞത്. ഒന്നര മില്യന്‍ ആളുകളില്‍ ഒരാള്‍ക്കാണ് ഈ അവസ്ഥ ഉണ്ടാകുക എന്ന കാര്യം ശ്രദ്ധേയം. സാധാരണ നായയുടെ കടിയില്‍ നിന്നും അണുബാധ ഉണ്ടാകാം. എന്നാല്‍ വെറുതെ നക്കിയാല്‍ പോലും ചിലപ്പോള്‍ അണുബാധ പിടിപെടാം എന്ന അവസ്ഥയുണ്ട്. പൂച്ചയില്‍നിന്നും ഈ അണുബാധ ചിലര്‍ക്ക് പകരാറുണ്ട് എന്ന കാര്യമാ മറക്കരുത്.

പഗ്ഗ്‌, ലാബ്രഡോര്‍, റോട്‌വീലർ, അഫ്ഗാൻ ഹൂണ്ട്, ഡാൽമേഷ്യൻ, പോമറേനിയൻ, ബോക്സര്‍, അങ്ങനെ പല തരത്തിലുള്ള നായകളെ നാം വളർത്തുന്നുണ്ട്. ഇവയോടെല്ലാം ഇടപ്പഴകുമ്പോൾ നാം നിരവധി കാര്യങ്ങൾ ശ്രദ്ധിക്കണം. എന്തൊക്കെയാണെന്ന് നോക്കാം. നായയുമായി അടുത്ത് ഇടപഴകിയാല്‍ മാരകമായ രോഗങ്ങള്‍ക്ക് സാധ്യതയെന്ന് നേരത്തെയും പഠനങ്ങൾ വന്നിട്ടുണ്ട്. ഉടമസ്ഥനോട് നായക്കുള്ള സ്നേഹപ്രകടനം കാണുമ്ബോള്‍ വാലാട്ടിയും, ദേഹത്തേക്ക് ഓടികയറി കെട്ടിപ്പിടിച്ചുമാണ് പ്രകടിപ്പിക്കുന്നത്. ചില നായ്ക്കള്‍ മുഖത്ത് നക്കുന്നതും ഒരു ശീലമാണ്. എന്നാൽ ചിലര്‍ ഇതിന് സമ്മതിക്കാറില്ല. ഒരുപാട് ആളുകളും നായയെ മുഖത്ത് നക്കാന്‍ അനുവദിക്കുന്നവരാണ്, ഈ സ്നേഹ പ്രകടനങ്ങള്‍ പ്രായഭേദമന്യേയാണ് നടക്കുന്നത്. എന്നാൽ നായയെ വളര്‍ത്തുന്നവര്‍ ഇത്തരത്തിലുള്ള സ്നേഹപ്രകടനങ്ങള്‍ ഒഴിവാക്കണമെന്നാണ് നായ വിദഗ്ദർ പറയുന്നത്‌. നാക്കിയുള്ള സ്നേഹ പ്രകടനങ്ങൾ ഒഴിവാക്കുക. നായകളുടെ വായയുടെ ഭാഗത്ത് ഒരു തരം ബാക്ടീരിയ ഉണ്ട്, ഇത് നായയുടെ ഉമിനീരിലൂടെ നിങ്ങളുടെ മുഖത്ത് നക്കുമ്ബോള്‍ ശരീരത്തിലേക്ക് പ്രവേശിക്കുന്നു. ഇത് പല ത്വക്ക് രോഗങ്ങള്‍ക്കും ഇത് കാരണമാകാറുണ്ട്. പിന്നീട് ഇത് മാരകമായ ത്വക്ക് വ്യാധി ആകുന്നുവെന്നും വിദക്തർ പറയുന്നു. അതുകൊണ്ടു തന്നെ നായകളെ മുഖത്ത് നക്കാന്‍ അനുവദിക്കുന്നവര്‍ കൂടുതല്‍ ശ്രദ്ധിക്കണം. അത്തരത്തിലുള്ള സ്നേഹ പ്രകടനം ഒഴിവാക്കുക.