സ്ത്രീകളുടെ ശരീരത്തിൽ മാസം തോറുമുണ്ടാകുന്ന ഒന്നാണ് മാസമുറ.എന്നാൽ ഈ സമയം സ്ത്രീകൾ അനുഭവിക്കുന്ന ബുദ്ധിമുട്ടുകൾ ചെറുതല്ല . നടുവേദന, വയറുവേദന, കാലുകള്‍ക്കുണ്ടാകുന്ന മരവിപ്പ്, തലവേദന, സ്തനങ്ങള്‍ക്ക് വേദന, ഛര്‍ദ്ദി, വിഷാദം, ദേഷ്യം അങ്ങനെ തുടങ്ങി പലവിധ അസ്വസ്ഥകൾ ആര്‍ത്തവസമയത്ത് സ്ത്രീകൾ നേരിടുന്നു. . വേദന സഹിക്കാന്‍ പറ്റാത്ത അവസരങ്ങളില്‍ മിക്ക സ്ത്രീകളും വേദന സംഹാരികളിലാണ് കഴിക്കുക. എന്നാല്‍ വേദന ശമിപ്പിക്കാൻ മികച്ച ചില ഭക്ഷണങ്ങളുണ്ട്.

പാല്‍കുടിക്കാം; കാല്‍സ്യത്തിന്റെ ശക്തമായ ഉറവിടമാണല്ലോ പാൽ . പാല്‍ കുടിക്കുന്നത് ശരീരത്തിന് ശക്തി നല്‍കുകയും മലബന്ധം കുറയ്ക്കാന്‍ സഹായിക്കുകയും ചെയ്യുന്നു. ഒപ്പം ആര്‍ത്തവസമയത്തെ അസ്വസ്ഥകള്‍ അകറ്റുവാനും പാൽ ഉത്തമമാണ്. ഡാര്‍ക്ക് ചോക്ളേറ്റ് കഴിക്കാം. ഡാര്‍ക്ക് ചോക്ളേറ്റില്‍ അടങ്ങിയ ആന്‍റി ഓക്സിഡന്‍റുകള്‍ ആര്‍ത്തവ സമയത്തെ വേദന അകറ്റുവാൻ സഹായകരമാണ്.

ഫാറ്റി ആസിഡുകള്‍ അടങ്ങിയ ഭക്ഷണങ്ങള്‍ ധാരാളം കഴിക്കാം : ആര്‍ത്തവ സമയത്ത് വയറിലെ വേദന സാധാരണമാണ്. ഇതൊഴിവാക്കന്‍ ഫാറ്റി ആസിഡുകളാല്‍ സമ്ബന്നമായ ഭക്ഷണ പദാര്‍ത്ഥങ്ങള്‍ കഴിക്കുന്നത് നല്ലതാണ്.അയല, മത്തി, കോര മീനുകളിലും ചില ഫിഷ് ഓയിൽ സപ്ലിമെന്റുകളിലും കക്കയിറച്ചിയിലും മുട്ട, ഫ്ലാക്സ് സീഡ്, വാൾനസ്, സൊയാബീൻ, ബ്രോക്കോളി, കാബേജ് തുടങ്ങിയവയിലും ഒമേഗ 3 ഫാറ്റി ആസിഡ് അടങ്ങിയിട്ടുണ്ട്

ഇരുമ്ബ് അടങ്ങിയ ഭക്ഷണങ്ങള്‍: ആര്‍ത്തവത്തിലൂടെ ശരീരത്തില്‍ നിന്ന് രക്തം നഷ്ടപ്പെടും. ഇത് വീണ്ടെടുക്കേണ്ടതുണ്ട്. ഇരുമ്ബ് അടങ്ങിയ ഭക്ഷണപദാര്‍ത്ഥങ്ങള്‍ കഴിക്കുന്നത് വഴി അനീമിയ തടയുകയും, ഹീമോഗ്ലോബിന്‍റെ കുറവ് പരിഹരിക്കുകയും ചെയ്യാനാവും. ഇത് ക്ഷീണവും, മാനസികസമ്മര്‍ദ്ധവും അകറ്റും. മാനസികസമ്മര്‍ദ്ധം തടയാന്‍ ഇരുമ്ബിന് കഴിവുണ്ട്, വറുത്ത പയര്‍, ശര്‍ക്കര, ഇലക്കറികള്‍ എന്നിവ കഴിക്കുന്നതിലൂടെ ശരീരത്തിന് ആവശ്യമായ ഇരുമ്ബ് ലഭിക്കുന്നതാണ് .

ഓട്സ്: ഓട്ട്‌സും ഒരു പരിധി വരെ ആര്‍ത്തവകാലത്തെ പ്രശ്‌നങ്ങള്‍ കുറയ്ക്കാന്‍ സഹായികമാണ് . ഓട്സില്‍ ധാരാളം ഫൈബര്‍ അടങ്ങിയിട്ടുണ്ട്. അതിനാല്‍ തന്നെ ദഹനപ്രവര്‍ത്തനങ്ങള്‍ തടയാന്‍ സഹായിക്കും. ഇതോടൊപ്പം തന്നെ ഓട്ട്‌സിലടങ്ങിയിരിക്കുന്ന സിങ്കും മഗ്നീഷ്യവും ആര്‍ത്തവ പ്രശ്‌നങ്ങളെ ലഘൂകരിക്കുകയും ചെയ്യുന്നുണ്ട് .അപ്പോൾ ആർത്തവക്കാലത്ത് ഈ ഭക്ഷണങ്ങൾ കഴിക്കൂ.