കൊറോണ ബാധിക്കുന്നവരിൽ തൈറോയ്ഡ് സംബന്ധമായ പ്രശ്നങ്ങൾ ഉണ്ടാകുന്നു; പുതിയ പഠനം പുറത്ത്
കൊറോണ വൈറസിനെ വകഭേദം വന്ന കാര്യം നാമെല്ലാവരും ഞെട്ടലോടെ ആയിരുന്നു അറിഞ്ഞത് അതിനെ കുറിച്ചുള്ള കൂടുതൽ പഠനങ്ങൾ ഇപ്പോൾ തകൃതിയായി നടക്കുകയാണ്. കോവിഡിന് കാരണമായ സാർസ് കോവ് 2 വൈറസിന് മൂന്ന് വകഭേദങ്ങളും കണ്ടെത്തിയതായി റിപ്പോർട്ടുകൾ വന്നിരിക്കുന്നു. ഇതിനിടെയാണ് കോവിഡ് 19 ബാധിക്കുന്നവരിൽ തൈറോയ്ഡ് സംബന്ധമായ പ്രശ്നങ്ങൾ ഉണ്ടാകുന്നതായി റിപ്പോർട്ട് പുറത്തുവരുന്നത്. 'ദി ജേണൽ ഓഫ് ക്ലിനിക്കൽ എൻഡോക്രൈനോളജി ആൻഡ് മെറ്റബോളിസം' എന്ന മെഡിക്കൽ ജേണലിലാണ് ഇതുസംബന്ധിച്ച വിവരങ്ങളുള്ളത്. മുൻപ് തൈറോയ്ഡ് പ്രശ്നമില്ലാത്തവരിൽ കോവിഡ് ബാധിക്കുന്നതോടെ തൈറോയ്ഡ് നിലകളിൽ മാറ്റം കാണുന്നുവെന്നാണ് ജേണലിൽ പറയുന്നത്. സബ് അക്യൂട്ട് തൈറോയ്ഡിറ്റിസ് ആണ് ഈ രോഗം.ഈ രോഗത്തിന്റെ ലക്ഷണങ്ങൾ ഇതാണ്;
കഴുത്തിന്റെ മുൻവശത്ത് വേദന, തൈറോയ്ഡ് ഗ്രന്ഥിയുടെ മേൽ ചെറിയ സമ്മർദം നൽകുമ്പോൾ മാർദവമുള്ളതായി തോന്നുക, പനി, ക്ഷീണവും തളർച്ചയും, അസ്വസ്ഥത, ചൂട് സഹിക്കാനാവാത്ത അവസ്ഥ, ഭാരം കുറയൽ, വിയർക്കൽ, വയറിളക്കം, വിറയൽ എന്നിവയാണ് ലക്ഷണങ്ങൾ.കോവിഡ് 19 മൂലമുണ്ടാകുന്ന സബ്അക്യൂട്ട് തൈറോയ്ഡൈറ്റിസ് പരിഹരിക്കാൻ ആന്റി ഇൻഫ്ളമേറ്ററി, കോർട്ടിക്കോസ്റ്റിറോയ്ഡ് തെറാപ്പി എന്നിവ ഫലപ്രദമാണെന്ന് കണ്ടെത്തിയിട്ടുണ്ട്. എന്താണ് സബ് അക്യൂട്ട് തൈറോയ്ഡിറ്റിസ്?എന്ന് നോക്കാം
തൈറോയ്ഡ് ഗ്രന്ഥിയ്ക്കുണ്ടാകുന്ന നീർക്കെട്ടിനെയാണ് തൈറോയിഡിറ്റിസ് എന്ന് പറയുന്നത്. ശ്വാസകോശ അണുബാധയുണ്ടായവരിലാണ് ഇത് കാണുന്നത്. വൈറൽ അണുബാധ മൂലം ഇത്തരത്തിൽ നീർക്കെട്ട് ഉണ്ടാകാറില്ല. മംപ്സ് വൈറസ്, ഇൻഫ്ളുവൻസ വൈറസ് തുടങ്ങിയ ശ്വാസകോശ വൈറസുകൾ സബ്അക്യൂട്ട് തൈറോയ്ഡിറ്റിസിന് കാരണമാകുന്നു. കോവിഡ് 19 അണുബാധ ഇത്തരത്തിൽ സബ് അക്യൂട്ട് തൈറോയ്ഡിറ്റിസിന് കാരണമാകുന്നുവെന്നാണ് കണ്ടെത്തൽ.
ഇതിന്റെപ്രത്യേകതകൾ എന്തൊക്കെയാണെന്ന് നോക്കാം; തൈറോയ്ഡ് ഗ്രന്ഥിയ്ക്ക് പെട്ടെന്ന് വേദനയുണ്ടാകുന്നതാണ് സബ് അക്യൂട്ട് തൈറോയ്ഡിറ്റിസിന്റെ പ്രധാന ലക്ഷണം. ഇത്തരത്തിൽ വേദനയോടെ തൈറോയ്ഡ് ഗ്രന്ഥി ആഴ്ചകളോളമോ മാസങ്ങളോളമോ നിലനിൽക്കും. തൈറോയ്ഡ് ഹോർമോൺ അമിതമായ അളവിൽ പുറത്തുവിടുന്ന ഹൈപ്പർ തൈറോയ്ഡിസത്തിന്റെ ലക്ഷണങ്ങളായ ഹൃദയമിടിപ്പ് കൂടൽ, അസ്വസ്ഥത, ചൂട് സഹിക്കാനാവാത്ത അവസ്ഥ എന്നിവയോ പ്രാരംഭ ഘട്ടത്തിൽ ഉണ്ടാകാം. തൈറോയ്ഡ് ഹോർമോൺ കുറയുന്ന അവസ്ഥയായ ഹൈപ്പോതൈറോയ്ഡിസത്തിന്റെ ലക്ഷണങ്ങളായ ക്ഷീണം, മലബന്ധം, തണുപ്പ് സഹിക്കാനാവാത്ത അവസ്ഥ എന്നിവയും പിന്നീട് ഉണ്ടാകാം.
https://www.facebook.com/Malayalivartha