ഫാസ്റ്റ് ടാഗ് വില്പന മോട്ടോര്‍വാഹന വകുപ്പിന്റെ ഓഫീസുകളിലും ചെക്ക്പോസ്റ്റുകളിലും ഉടന്‍ ആരംഭിക്കും... ജനുവരി 15 മുതല്‍ ഫാസ്റ്റ് ടാഗ് നിര്‍ബന്ധമാക്കും
മോട്ടോര്‍വാഹന വകുപ്പിന്റെ ഓഫീസുകളിലും ചെക്ക്പോസ്റ്റുകളിലും ഫാസ്റ്റ് ടാഗ് വില്പന ഉടന്‍ ആരംഭിക്കും. ടോള്‍ഗേറ്റുകളില്‍ ഓണ്‍ലൈന്‍ പണമടയ്ക്കാന്‍ സഹായിക്കുന്ന ഫാസ്റ്റ് ടാഗുകളുടെ വില്പന കൗണ്ടറുകളാണ് ആരംഭിക്കുന്നത്. ഫാസ്റ്റ് ടാഗ് വില്‍ക്കുന്ന ധനകാര്യസ്ഥാപനങ്ങളുടെ കൗണ്ടറുകളാണ് ഓഫീസുകളില്‍ തുടങ്ങുന്നത്. ഉദ്യോഗസ്ഥര്‍ ഇതില്‍ പങ്കാളികളാകില്ല. പുതിയ വാഹനങ്ങള്‍ക്കാണ് ഇപ്പോള്‍ ഫാസ്റ്റ് ടാഗ് നിര്‍ബന്ധമാക്കിയിട്ടുള്ളത്. ഡീലര്‍ഷിപ്പില്‍വച്ചു തന്നെ ഇവ പതിപ്പിക്കും.
എന്നാല്‍, പഴയ വാഹനങ്ങള്‍ക്ക് ഫാസ്റ്റ് ടാഗ് ലഭിക്കുന്നതിനു ബുദ്ധിമുട്ടുണ്ടായിരുന്നു. ഓണ്‍ലൈന്‍ സൈറ്റുകളില്‍ ഇവ വില്പനയ്ക്കുണ്ടെങ്കിലും കെ.വൈ.സി. ഉള്‍പ്പെടെ നിര്‍ബന്ധമായിരുന്നു. ഇതിനാല്‍ പലര്‍ക്കും വാങ്ങാന്‍ കഴിഞ്ഞിരുന്നില്ല. ഫാസ്റ്റ് ടാഗ് ഇല്ലാത്ത വാഹനങ്ങള്‍ ടോള്‍ പണമായി കൊടുക്കണം. ഇതു സമയനഷ്ടം ഉണ്ടാക്കുന്നുണ്ട്. ഫാസ്റ്റ് ടാഗ് ഉണ്ടെങ്കില്‍ ഓണ്‍ലൈന്‍ പേമെന്റിലൂടെ ടോള്‍ കടക്കാനാകും. സമയനഷ്ടമുണ്ടാകില്ല. ജനുവരി 15 മുതല്‍ ഫാസ്റ്റ് ടാഗ് നിര്‍ബന്ധമാക്കാനാണ് കേന്ദ്രസര്‍ക്കാര്‍ തീരുമാനം. ഇതിന്റെ അടിസ്ഥാനത്തിലാണ് ഫാസ്റ്റ് ടാഗ് ലഭ്യമാക്കാന്‍ മോട്ടോര്‍വാഹന വകുപ്പിന്റെയും സഹായം തേടിയത്.
https://www.facebook.com/Malayalivartha
