നാട്ടിൽ നിന്ന് അബൂദബിയിലേക്ക് വരുന്ന പ്രവാസികൾക്കിയുള്ള പുതിയ ക്വാറന്റീൻ നിയമങ്ങൾ പ്രഭാലയത്തിൽ. റിസ്റ്റ് ബാൻഡ് ഉൾപ്പടെയുള്ളവയാണ് പുതുതായി ഉൾപ്പെടുത്തിയിരിക്കുന്നത്. അതോടൊപ്പം തന്നെ നാട്ടിൽ നിന്ന് വിമാനത്തിൽ നേരിട്ട് അബൂദബി വിമാനത്താവളത്തിൽ ഇറങ്ങുന്ന എല്ലാവർക്കും 14 ദിവസം ക്വാറന്റയിൻ നിർബന്ധമാണ്.

ആദ്യം പി സി ആർ ടെസ്റ്റിന് വിധേയമാകണം.

ക്വാറന്റീൻ സംവിധാനത്തിൽ രജിസ്റ്റർ ചെയ്യും.

നിരീക്ഷണത്തിനായുള്ള റിസ്റ്റ് ബാൻഡ് ധരിപ്പിക്കും.14 ദിവസത്തെ ക്വാറന്റീൻ കാലയളവിലെല്ലാം കൈയിൽ റിസ്റ്റ് ബാൻഡ് ധരിച്ചിരിക്കണം.

12 മത്തെ ദിവസം വീണ്ടും പി സി ആർ ടെസ്റ്റ് .

ഫലം നെഗറ്റീവ് ആണെങ്കിൽ 14 മത്തെ ദിവസം റിസ്റ്റ് ബാൻഡ് ഒഴിവാക്കും.

എന്നാൽ മറ്റിടങ്ങളിൽ ഇറങ്ങി അബൂദബിയിലേക്ക് പോകുന്നവർക്കുള്ള നിബന്ധനകൾ ഇപ്രകാരമാണ്;

എന്നാൽ അബൂദബി അല്ലാത്ത മറ്റ് എമിറേറ്റുകളിൽ ഇറങ്ങി അബൂദബിയിലേക്ക് പോകുന്നവർക്കും ക്വാറന്റൈൻ നിയമം ബാധകമാണ്.

അബൂദബി എമിറേറ്റിന് പുറത്ത് മറ്റ് എമിറേറ്റുകളിൽ 14 ദിവസത്തിന് താഴെ ചെലവഴിച്ചവരും പി സി ആർ പരിശോധനക്ക് വിധേയമാകേണ്ടതാണ്.

ഇവരും ക്വാറന്റയിൻ സംവിധാനത്തിൽ രജിസ്റ്റർ ചെയ്ത് റിസ്റ്റ് ബാൻഡ് ധരിക്കണം.

അതേസമയം ഇവർ അബൂദബിക്ക് പുറത്ത് യു എ ഇയിൽ കഴിഞ്ഞ ദിവസം ക്വാറന്റൈയിൻ കാലാവധിയിൽ നിന്ന് കുറക്കുന്നതാണ്. ഉദാഹരണത്തിന് രണ്ട് ദിവസം ദുബൈയിലോ മറ്റോ താമസിച്ചവർ 12 ദിവസം ക്വാറന്റയിനിൽ കഴിഞ്ഞാൽ മതിയാകും.

ഒപ്പം ഇവർക്ക് 12 മത്തെ ദിവസം വീണ്ടും കോവിഡ് പരിശോധന നടത്തും.

നെഗറ്റീവ് ആണെങ്കിൽ മൊത്തം ക്വാറന്റയിൻ 14 തികയുന്ന അന്ന് റിസ്റ്റ് ബാൻഡ് അഴിച്ചുമാറ്റുന്നതാണ്.

14 ദിവസം കഴിഞ്ഞ് അബൂദബിയിലേക്ക് പോകുന്നവർക്കുള്ള നിബന്ധനകൾ;

യു എ ഇയിൽ എത്തി 14 ദിവസം കഴിഞ്ഞ് അബൂദബിയിലേക്ക് പോകുന്നവർക്ക് അബൂദബിയിൽ ക്വാറന്റൈൻ വേണ്ട. എന്നാൽ, അതിർത്തിയിൽ നടത്തുന്ന പരിശോധനകൾക്ക് ഇവർ വിധേയകരാകേണ്ടതാണ്.