സൗദിയിൽ നിന്നും ഒരു മുന്നറിയിപ്പ്. സൗദിയില്‍ ജോലിചെയ്യുന്ന വിദേശികളുടെ ആശ്രിതവിസയിലുള്ളവര്‍ എക്സിറ്റടിച്ചാലും ഇക്കാമ പുതുക്കുന്നതിന് മുമ്പ് രാജ്യം വിട്ടിരിക്കണമെന്ന് മുന്നറിയിപ്പ് നല്കുകയാണ് അധികൃതർ. ഇല്ലെങ്കിൽ ആരുടെ ആശ്രിതരായാണോ സൗദിയില്‍ കഴിഞ്ഞിരുന്നത് പ്രസ്തുത രക്ഷിതാവിന്റെ വിസ പുതുക്കണമെങ്കില്‍ ആശ്രിതരുടെ ലെവി കൂടി അടക്കേണ്ടിവരുന്നതായിരിക്കും. സൗദി പാസ്പോര്‍ട്ട് വിഭാഗമാണ് ഇത് സംബന്ധമായ മുന്നറിയിപ്പ് നല്‍കിയിരിക്കുന്നത്.

അതോടൊപ്പം തന്നെ ആശ്രിത വിസയില്‍ കഴിയുന്നവര്‍ ഫൈനല്‍ എക്സിറ്റില്‍ സൗദി വിട്ടുപോകുന്നുവെങ്കില്‍ അവര്‍ കൃത്യസമയത്ത് തന്നെ സൗദിയില്‍നിന്നും ഫൈനല്‍ എക്സിറ്റായി തിരികെ നാട്ടിലേക്ക് പോയിരിക്കണം എന്ന താക്കീതും നൽകുകയാണ്. അല്ലാത്തപക്ഷം ആരുടെ കീഴിലാണോ ആശ്രിതവിസയിലുള്ളവരായി കഴിഞ്ഞിരുന്നത്, അവരുടെ ഇക്കാമ പുതുക്കുന്നതിന് പ്രയാസം നേരിടുമെന്നതിൽ സംശയമില്ല. ഇത്തരത്തിൽ സാധാരണയായി സൗദിയില്‍ ജോലി ചെയ്യുന്ന വിദേശികളുടെ ഭാര്യ, മക്കള്‍ എന്നിവരാണ് ആശ്രിതരായുണ്ടാവാറുള്ളത്.

ഇക്കാമ പുതുക്കുന്നതിന് മുമ്പ് ആശ്രിതരായിട്ടുള്ളവര്‍ സൗദി വിട്ടുപോയില്ലെക്കില്‍ രക്ഷിതാവിന്റെ ഇക്കാാമ പുതുക്കുമ്പോള്‍ ആശ്രിതരുടെ ലെവികൂടി അടക്കേണ്ടിവരുമെന്ന് സൗദി പാസ്പോര്‍ട്ട് വിഭാഗം വ്യക്തമാക്കുകയുണ്ടായി. ഒരു വിദേശിയുടെ ചോദ്യത്തിനുള്ള മറുപടിയിലാണ് ജവാസാത്ത് ഇതു സംബന്ധമായി വ്യക്തമാക്കിയിരിക്കുന്നത്.