ഗൾഫ് രാഷ്ട്രങ്ങളിൽ അതിശൈത്യമാണ് രേഖപ്പെടുത്തിയിരിക്കുന്നത്. യുഎഇയ്ക്ക് പിന്നാലെ സൗദിയിലെ മിക്ക പ്രദേശങ്ങളിലും താപനില പൂജ്യത്തിൽ താഴെയാണ്. അടുത്ത ശനിയാഴ്ചവരെ താപനില പൂജ്യത്തിൽ തന്നെയായിരിക്കും എന്നാണ് ദേശീയ കാലാവസ്ഥാ കേന്ദ്രം മുന്നറിയിപ്പ് നല്‍കിയത്. രാജ്യത്തെ വടക്കന്‍ പ്രദേശങ്ങളില്‍ ശക്തമായ മൂടൽ മഞ്ഞിന് സാധ്യത. ഇവിടങ്ങളിൽ -4 ഡിഗ്രി സെൽഷ്യസ് വരെ താപനില എത്തുമെന്നും കാലാവസ്ഥാ കേന്ദ്രം മുന്നറിയിപ്പ് നല്‍കുകയുണ്ടായി.

ആയതിനാൽ തന്നെ അധികൃതര്‍ നല്‍ക്കുന്ന മുന്നറിയിപ്പുകള്‍ പാലിക്കണമെന്നും ജനങ്ങള്‍ ആവശ്യമായ മുന്‍ കരുതല്‍ നടപടികള്‍ സ്വീകരിക്കണമെന്നും ജനങ്ങളോട് അഭ്യർഥിച്ചിട്ടുണ്ട്.അസീർ, അബ്ഹ, ജിസാൻ, മക്ക, മദീന, തബൂക്ക് എന്നിവിടങ്ങളിൽ മൂടൽമഞ്ഞിന് സാധ്യത ഏറെയുണ്ട്. ഇവിടെയുള്ളവർ കനത്ത ജാഗ്രതപാലിക്കണം,

ഇതുകൂടാതെ അൽ ബാഹ, അൽ-അഖീക്, അൽ ഖുറയാത്ത്, അൽ-മന്തഖ്, ബൽജുർഷി എന്നിവിടങ്ങളില്‍ ശക്തമായ മൂടൽമഞ്ഞ് അനുഭവപ്പെടും. മക്കയിലും വരു ദിവസങ്ങളില്‍ മൂടിയ കാലാവസ്ഥയാണ് ഉണ്ടാകുവന്നിരിക്കുന്നത്. ഖുലൈസ്, ഖുൻഫുദ, അല്ലൈത്ത്, റാബിക്, ജിദ്ദ എന്നിവിടങ്ങളിൽ ശക്തമായ കാറ്റും മഴയും പ്രതീക്ഷിക്കാം. മദീനയിലും മഴക്കും കാറ്റിനും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിക്കുകയുണ്ടായി.