വീണ്ടും ഉണർന്ന് ദുബായ്. വിനേദ സഞ്ചാരികളുടെ വരവ് ദുബായിൽ വർധിക്കുന്നതായി റിപ്പോർട്ട്. കൊവിഡിന് ശേഷം ആദ്യമായാണ് ഇത്തരത്തിൽ വിനോദ സഞ്ചാരികളുടെ എണ്ണം വർധിക്കുന്നത്. ദുബായ് ടൂറിസം മന്ത്രാലയം ആണ് കണക്ക് പുറത്തുവിട്ടിരിക്കുന്നത്. ഈ വർഷം മേയ് വരെ 61.7 ലക്ഷം പേർ എത്തിയെന്നാണ് കണക്കുകൾ ചൂണ്ടിക്കാണിക്കുന്നത്. ദുബായിലെ ഹോട്ടലുകളിലെ ശരാശരി ബുക്കിങ് 76% ആയിരുന്നു.

അതോടൊപ്പം തന്നെ ഹോട്ടലുകളിൽ മുറികൾ ബുക്ക് ചെയ്യുന്ന എണ്ണത്തിൽ രാജ്യാന്തരതലത്തിൽ ഒന്നാം സ്ഥാനത്താണ് ദുബായ് നിൽക്കുന്നത്. ന്യൂയോർക്കിൽ 61%, ലണ്ടനിൽ 60% പാരിസിൽ 57% എന്നിങ്ങനെയാണ് ഹോട്ടൽ ബുക്കിങ് ഉള്ളത്. രാജ്യന്തര തലത്തിൽ വിനേദ സഞ്ചാരികളെ ദുബായിലേക്ക് ആകർഷിക്കാൻ വലിയ പദ്ധതികൾ ആണ് ദുബായ് നിലവിൽ ഒരുക്കിയിരിക്കുന്നത്. കുറഞ്ഞ ചെലവിൽ തന്നെ കൂടുതൽ കാലത്തേയ്ക്കുള്ള താമസം ഒരുക്കുന്ന 60 ഹോട്ടലുകളാണ് ദുബായിൽ പ്രർത്തിക്കുന്നത്. കൂടതെ രാജ്യത്തേക്ക് ടൂറിസ്റ്റുകളെ കൂടുതൽ ആയി ആകർഷിക്കാൻ വേണ്ടി നിരവധി പദ്ധതികൾ ദുബായ് ടുറിസം മന്ത്രാലയം ഇതിനോടകം തന്നെ പുറത്തിറക്കിയിട്ടുണ്ട്.

കൂടാതെ കൊവിഡ് പടർന്ന് പിടിച്ച സാഹചര്യത്തിൽ വലിയ സാമ്പത്തിക പ്രതിസന്ധിയിലൂടെയാണ് രാജ്യം കടന്നു പോയിരുന്നത്. ലോകത്തെ വിനോദ സഞ്ചാര കേന്ദ്രങ്ങൾ എല്ലാം അടയ്ക്കുകയുണ്ടായി. വിനോദസഞ്ചാരികളെ കൊണ്ട് പിടിച്ചു നിന്നിരുന്ന ഒരു രാജ്യമായിരുന്നു ദുബായ്. എന്നാൽ കടന്നുപോയ രണ്ടുവർഷത്തെ കൊവിഡ് ഈ മേഖലയെ പിടിച്ചു കുലുക്കിയിരുന്നു.

പിന്നീട് ബോളിവുഡ്, ഹോളിവുഡ് താരങ്ങളെ അണിനിരത്തിയാണ് ഈ രംഗത്തേക്ക് ദുബായ് തിരിച്ചു വന്നിരുന്നത്. 5 ദിവസത്തെ പണം കെെവശമുണ്ടെങ്കിൽ ഏഴ് ദിവസം തങ്ങാൻ സാധിക്കുന്ന തരത്തിലുള്ള ഓഫറുകൾ, ഗോൾഡൻ വിസ തുടങ്ങിയവ എല്ലാം ദുബായ് പുറത്തിറക്കി. എക്സ്പോ 2020 കൂടി ദുബായിൽ എത്തിയതോടെ ദുബായ് പതിയെ തല ഉയർത്തി തുടങ്ങിയിരുന്നു.

അതോടൊപ്പം തന്നെ സഞ്ചാരികളെ രാജ്യത്തേക്ക് കൂടുതൽ ആയി ആകർഷിക്കാൻ എക്സ്പോ 2020ലൂടെ സാധിച്ചിരുന്നു. വിസ്മയിപ്പിക്കുന്ന കാഴ്ചകൾ ആണ് എക്സ്പോ സിറ്റിയിൽ ദുബായ് ഒരുക്കിയിരിക്കുന്നത്. യാത്രാ നിയന്ത്രണങ്ങൾ ഒഴിവാക്കിയതും, ഒരുപാട് നിർദ്ദേശങ്ങൾ എടുത്ത് ഒഴിവാക്കിയതും രാജ്യത്തേക്ക് വരാൻ കൂടുതൽ സ്വാതന്ത്ര്യം നൽകുകയാണ് അധികൃതർ.