വയറും താങ്ങിപ്പിടിച്ച് വന്ന പൂർണ ഗർഭിണിയായ ഭാര്യയുമായി ട്രെയിനിൽ സീറ്റ് അന്വേഷിച്ച് നടന്ന ഭർത്താവിനോട് കരുണ തോന്നി യാത്രക്കാർ ഇരിക്കാൻ അടുത്തടുത്ത സീറ്റുകള്‍ ഒപ്പിച്ചുകൊടുത്തതിന് പിന്നാലെ അരങ്ങേറിയത് വമ്പൻ ട്വിസ്റ്റ്. ട്രെയിനില്‍ പൊലീസ് പരിശോധന നടത്തുന്നതിനിടെ യുവാവ് പരുങ്ങിയതോടെ പുറത്തായത് വ്യാജ ഗർഭമായിരുന്നു. പൊലീസിനെ കണ്ടതോടെ യുവാവിന്റെ മുഖത്ത് ചെറിയ ഭാവമാറ്റങ്ങള്‍ കണ്ടുതുടങ്ങി. ഒപ്പം കൈയിലുള്ള കറുത്ത സഞ്ചി ശരീരത്തോട് ചേര്‍ത്തുപിടിക്കുകയും ചെയ്തു.

പന്തികേട് തോന്നിയ പോലീസ് ബാഗ് തുറന്ന് പരിശോധിച്ചപ്പോള്‍ ഉള്ളില്‍ ഉഗ്രന്‍ കഞ്ചാവ്. അതോടെ യുവാവിനെ കസ്റ്റഡിയിലെടുത്തു. അപ്പോഴാണ് ഒപ്പമുള്ള ഗര്‍ഭിണിയെ ശ്രദ്ധിച്ചത്. അവരോടും ട്രെയിനില്‍ നിന്ന് ഇറങ്ങാന്‍ ആവശ്യപ്പെട്ടു. വളരെ ബഹുമാനത്തോടെയാണ് യുവതിയോട് പൊലീസുകാര്‍ പെരുമാറിയത്. വനിതാ പോലീസ് വസ്ത്രം മാറ്റി യുവതിയുടെ വയറ് പരിശോധിച്ചെങ്കിലും പ്രശ്നങ്ങളൊന്നും തോന്നിയില്ല. എന്നാല്‍ അവരെ ചോദ്യം ചെയ്തതോടെ പുറത്ത് വന്നത് മറ്റൊരു ട്വിസ്റ്റയിരുന്നു.

യുവതിയുടെ ഗര്‍ഭത്തിന് കാരണം കഞ്ചാവായിരുന്നു. നാലു കിലോയോളം കഞ്ചാവ് അര്‍ദ്ധവൃത്താകൃതിയിലുള്ള ഒരു പെട്ടിയിലാക്കിയശേഷം വയറില്‍ കെട്ടി വയ്ക്കുകയായിരുന്നു തുടര്‍ന്ന് ഒരു പ്രത്യേക തരം പേസ്റ്റ് ഇതിനു മുകളില്‍ പുരട്ടും. അല്പം കഴിയുന്നതോടെ ഈ പേസ്റ്റ് തൊലിയുടെ അതേ നിറത്തിലും സ്വഭാവത്തിലും ആയി മാറും. അര്‍ജന്റീനയിലാണ് സംഭവം. യുവതിയെയും കൂട്ടാളിയായ യുവാവിനെയും പൊലീസ് അറസ്റ്റു ചെയ്തു.