രാജകീയ ചുമതലകളില്‍ നിന്ന് ഒഴിഞ്ഞുനില്‍ക്കാനുള്ള ഹാരിയുടെ യും മേഗന്റെയും തീരുമാനത്തിന് എലിസബത്ത് രാജ്ഞിയുടെ അംഗീകാരം
ബ്രിട്ടന്റെ രാജകീയ ചുമതലകളില്‍ നിന്ന് ഒഴിഞ്ഞുനില്‍ക്കാനുള്ള ഹാരി രാജകുമാരന്റെയും ഭാര്യ മേഗന്‍ മാര്‍ക്കിളിന്റെയും തീരുമാനത്തിന് എലിസബത്ത് രാജ്ഞി അംഗീകാരം നല്‍കി. ഇതോടെ ഇനിയുള്ള കാലം ബ്രിട്ടന്‍ വിട്ടു കാനഡയില്‍ ചെലവഴിക്കാനുള്ള ദമ്പതികളുടെ തീരുമാനത്തിന് സ്ഥിരീകരണമായി.
രാജ്യം വിട്ട് സ്വതന്ത്രസംരംഭം തുടങ്ങാന്‍ സസക്‌സ് പ്രഭുവും പ്രഭ്വിയും തീരുമാനിച്ചത്് ജ്യേഷ്ഠന്‍ വില്യം രാജകുമാരനുമായുള്ള അകല്‍ച്ചയെ തുടര്‍ന്നാണെന്ന് പറയപ്പെടുന്നു. ഇനിയുള്ള സമയം അമേരിക്കയിലും യുകെയിലുമായി ചെലവിടുമെന്നും രാജ്ഞിയോടും കോമണ്‍വെല്‍ത്തിനോടുമുള്ള കടപ്പാട് നിലനിര്‍ത്താന്‍ ഏതാനും ചില രാജകീയ ചുമതലകള്‍ മാത്രം തുടര്‍ന്നു വഹിക്കുമെന്നുമാണ് ഹാരി രാജകുമാരന്‍ പറഞ്ഞത്.
സംഭവത്തില്‍ രാജ്ഞി കടുത്ത നീരസത്തിലാണെന്ന് നേരത്തേ റിപ്പോര്‍ട്ടുകളുണ്ടായിരുന്നു. സ്വന്തം കാലില്‍ നില്‍ക്കാനും ജീവകാരുണ്യപ്രവര്‍ത്തനം നടത്താനുമാണ് ഹാരിയും മേഗനും ഉദ്ദേശിക്കുന്നത്. കിരീടാവകാശത്തില്‍ ആറാമനാണ് ഹാരി. വില്യം രണ്ടാമനും.
https://www.facebook.com/Malayalivartha
