ലോകം മുഴുവന് കോവിഡ് വാക്സിന് എത്തിച്ച പ്രധാനമന്ത്രി നരേന്ദ്ര മോദിയെ പ്രശംസിച്ച് ലോകാരോഗ്യ സംഘടന
ലോകം മുഴുവന് കോവിഡ് വാക്സിന് എത്തിച്ച പ്രധാനമന്ത്രി നരേന്ദ്ര മോദിയെ പ്രശംസിച്ച് ലോകാരോഗ്യ സംഘടന. ലോക രാജ്യങ്ങള് ഇന്ത്യയെ മാതൃകയാക്കണമെന്ന് ലോകാരോഗ്യ സംഘടനാ തലവന് ടെഡ്രോസ് അഥനോം ഗെബ്രിയേസസ് പറഞ്ഞു.
വാക്സിന് മൈത്രി നയത്തിന്റെ ഭാഗമായി ലോകരാജ്യങ്ങള്ക്ക് കേന്ദ്രം വാക്സിന് നല്കുന്നത് തുടരുന്നതിനിടെയാണ് പ്രധാനമന്ത്രിയ്ക്ക് ലോകാരോഗ്യ സംഘടനയുടെ പ്രശംസ. ലോകം മുഴുവന് വാക്സിന് ലഭ്യമാക്കാന് പിന്തുണ നല്കിയ ഇന്ത്യന് പ്രധാനമന്ത്രി നരേന്ദ്ര മോദിയ്ക്ക് നന്ദി അറിയിക്കുന്നു.
60 ഓളം രാജ്യങ്ങള്ക്ക് അവരുടെ മുന്നണി പോരാളികള്ക്ക് കോവിഡ് വാക്സിന് ഉറപ്പാക്കാന് ഇന്ത്യ വാക്സിന് നല്കിയത് വഴി സാധിച്ചു. മറ്റ് രാജ്യങ്ങളും ഇന്ത്യയുടെ മാതൃക പിന്തുടരുമെന്നാണ് പ്രതീക്ഷിക്കുന്നതെന്നും ഗെബ്രിയേസസ് പറഞ്ഞു.
കോവിഡിനെ തുടച്ചു നീക്കാന് വാക്സിന് നിര്മ്മാണം വേഗത്തിലാക്കാന് വാക്സിന് നിര്മ്മാതാക്കളോട് ഗെബ്രിയേസസ് ആവശ്യപ്പെട്ടിരുന്നു. ഇതിന് പിന്നാലെയാണ് അദ്ദേഹം പ്രധാനമന്ത്രിയെ പ്രശംസിച്ച് എത്തിയത്.
https://www.facebook.com/Malayalivartha
