ലിങ്ക്ഡ് ഇന്‍ ചൈനയില്‍ സേവനം അവസാനിപ്പിക്കുന്നു; പ്രവര്‍ത്തന വെല്ലുവിളി നേരിടുന്ന അന്തരീക്ഷമായതിനാലാണ് ഈ തീരുമാനമെന്ന് മൈക്രോസോഫ്റ്റ്, വിദേശക്കമ്പനികൾക്ക് നിയന്ത്രണം കടുപ്പിച്ച് ചൈന! ലിങ്ക്ഡ് ഇന്‍ സൈറ്റിലെ ഉള്ളടക്കങ്ങള്‍ പുനഃപരിശോധിക്കാന്‍ സമയപരിധി നല്‍കി ചൈനീസ് അധികൃതര്‍
തൊഴിലധിഷ്ഠിത സോഷ്യല്‍ മീഡിയ നെറ്റ്‌വര്‍ക്കായ ലിങ്ക്ഡ് ഇന്‍ ചൈനയില്‍ സേവനം അവസാനിപ്പിക്കുന്നതായി റിപ്പോർട്ട്. പ്രവര്‍ത്തന വെല്ലുവിളി നേരിടുന്ന അന്തരീക്ഷമായതിനാലാണ് ഈ തീരുമാനമെന്ന് മൈക്രോസോഫ്റ്റ് ഔദ്യോഗികമായി അറിയിക്കുകയുണ്ടായി. വിദേശകമ്പനികള്‍ക്ക് ചൈന നിയന്ത്രണങ്ങള്‍ കടിപ്പിക്കുന്നതായുള്ള വാർത്തകൾ നേരത്തെ തന്നെ പുറത്ത് വന്നതാണ്. ആയതിനാലാണ് ലിങ്ക്ഡ് ഇനും ഇത് അവസാനിപ്പിക്കേണ്ടി വന്നതും. എന്നാൽ ഇതിന് പകരം ജോലിക്ക് അപേക്ഷിക്കുന്നതിന് മാത്രമായുള്ള പ്രത്യേക ആപ്ലിക്കേഷന്‍ ചൈനയില്‍ അവതരിപ്പിക്കുന്നതാണ്.
എന്നാല്‍ ലിങ്ക്ഡ് ഇനില്‍ ഉണ്ടായിരുന്നതുപോലെ നെറ്റ്‌വര്‍ക്ക് ഫീച്ചറുകള്‍ ഉണ്ടാവില്ലെന്ന് മൈക്രോസോഫ്റ്റ് എഞ്ചിനീയറിംഗ് സീനിയര്‍ വൈസ് പ്രസിഡണ്ട് മോഹക് ഷ്റോഫ് വ്യക്തമാക്കുകയുണ്ടായി. നിലവിൽ ലിങ്ക്ഡ് ഇന്‍ സൈറ്റിലെ ഉള്ളടക്കങ്ങള്‍ പുനഃപരിശോധിക്കാന്‍ സമയപരിധി നല്‍കിയിരിക്കുകയാണ് ചൈനീസ് അധികൃതര്‍.
അതോടൊപ്പം തന്നെ 2014ലാണ് ലിങ്ക്ഡ് ഇന്‍ ചൈനയില്‍ പ്രവര്‍ത്തനമാരംഭിച്ചത്. തൊഴില്‍പരമായും വ്യക്തിപരമായുള്ള സൗഹൃദവും ബന്ധവും വളര്‍ത്തുകയും തൊഴിലവസരങ്ങള്‍ കണ്ടെത്താന്‍ സഹായിക്കുകയും ചെയ്യുക എന്ന ലക്ഷ്യത്തോടെയാണ് ലിങ്ക്ഡ് ഇന്‍ന്റെ പ്രവര്‍ത്തനം ആരംഭിച്ചത്.
അതേസമയം ലിങ്ക്ഡ് ഇന്‍ പകരമായി ഇന്‍ ജോബ്സ് എന്ന ആപ്ലിക്കേഷനാണ് ചൈനയില്‍ അവതരിപ്പിക്കുക. ലോകത്തെ ഏറ്റവും വലിയ രണ്ടാമത്തെ വിപണിയായ ചൈനയില്‍ സ്വകാര്യകമ്പനികള്‍ക്ക് മേല്‍ കടുത്ത നിയന്ത്രണങ്ങള്‍ക്കാണ് ഭരണകൂടം നിലവിൽ ശ്രമിക്കുന്നത്. ഒരു ദശാബ്ദക്കാലമായി ഫെയ്സ്ബുക്കിനും ട്വിറ്ററിലും രാജ്യത്ത് നിരോധനം ഏർപ്പെടുത്തിയിട്ടുണ്ട്. സൈബര്‍ ആക്രമണങ്ങളും സെന്‍സര്‍ഷിപ്പ് രൂക്ഷമായതോടെ 2010ല്‍ ഗൂഗിളും ചൈനയിൽ പ്രവർത്തനം അവസാനിപ്പിച്ചിരുന്നു.
https://www.facebook.com/Malayalivartha
