യാത്രയ്ക്കിടെ വിമാനത്തിൽ ആ അപകടം മണത്തു. ഉടനടി പൈലറ്റ് വിമാനം അടിയന്തര ലാൻഡിംഗ് നടത്തി.   സൗത്ത് വെസ്റ്റ് എയർലൈൻസ് ഫ്ലൈറ്റ് WN984 ഒൻ്റാറിയോയിലാണ് സംഭവ വികാസങ്ങൾ അരങ്ങേറിയത്.  ക്യാബിനിൽ പുകയുടെ ഗന്ധം ഉണ്ടെന്ന് ക്രൂ അംഗങ്ങൾ അറിയിക്കുകയായിരുന്നു . ഇതോടെ   അന്താരാഷ്ട്ര വിമാനത്താവളത്തിൽ അടിയന്തര ലാൻഡിംഗ് നടത്തുകയായിരുന്നു.  

ബോയിംഗ് 737 MAX 8 വിമാനമാണ് അടിയന്തിര ലാൻഡിംഗ് ചെയ്‍തത്. ഫീനിക്സ് സ്കൈ ഹാർബർ ഇൻ്റർനാഷണൽ എയർപോർട്ടിൽ നിന്ന് പുറപ്പെട്ട വിമാനമാണ് അടിയന്തിരമായി ലാൻഡ് ചെയ്‍തത് 38,000 അടി ഉയരത്തിൽ  പറക്കുയായിരുന്നു വിമാനം.   വടക്കുപടിഞ്ഞാറൻ പാതയിലൂടെ  സാൻ ഫ്രാൻസിസ്കോ ഇൻ്റർനാഷണൽ എയർപോർട്ടിലേക്കായിരുന്നു യാത്ര.

.പുക ഗന്ധത്തിൻ്റെ ഉറവിടം കണ്ടെത്താൻ സാധിച്ചില്ല , വിമാന പാതയിൽ സമീപത്തെ കാട്ടുതീയിൽ നിന്നാണ് ഇത് ഉണ്ടായത് എന്നാണ്  ഉദ്യോഗസ്ഥർ സംശയിക്കുന്നത് .  സാൻ ബെർണാർഡിനോ പർവതനിരകളുടെ അടിത്തട്ടിൽ നിന്നായിരുന്നു കാട്ടുതീ ഉണ്ടായത്. 17,200 ഏക്കറിലധികം കത്തി. ഈ കാട്ടുതീയുടെ പുകയാകാം വിമാനത്തിൽ കണ്ടെത്തിയ ദുർഗന്ധത്തിന് കാരണം എന്നാണ് റിപ്പോര്‍ട്ടുകൾ.