ഫേസ്ബുക്കിലൂടെ എസ്‌ഐയുമായി പ്രണയം പൂവിട്ടു...നേരിൽ കാണണമെന്ന് വിവാഹിതയായ യുവതി നിരന്തരം പറഞ്ഞതോടെ മട്ടും ഭാവവും മാറി; ഒഴിവാക്കാൻ നോക്കിയതോടെ ആത്മഹത്യ ചെയ്യുമെന്ന് ഭീഷണിപ്പെടുത്തിയും, എസ് ഐ പോകുന്നിടത്തെല്ലാം പുറകെ നടന്ന് ശല്യപ്പെടുത്തിയും കേരള സര്‍വകലാശാല ജീവനക്കാരി:- ഗതികെട്ട് വീട്ടുകാരെ വിളിച്ചുവരുത്തിയും, കൗണ്‍സിലിങ്ങിന് വിധേയമാക്കിയും മനസ് മാറ്റാൻ ശ്രമം...
സോഷ്യൽ മീഡിയയിലൂടെ വിവാഹിതയായ യുവതിയുമായി അടുപ്പം സ്ഥാപിച്ച എസ്‌ഐ വെട്ടിലായി. സന്ദേശത്തിന് എസ്‌ഐ മറുപടി നല്‍കാത്തതില്‍ മനംനൊന്ത് യുവതി ആത്മഹത്യാ സന്ദേശം ഇട്ടതാണ് ഉദ്യോഗസ്ഥന് കുരുക്കായത്.ഈ കുറിപ്പ് ആലപ്പുഴയിലെ മറ്റൊരു പൊലീസ് ഉദ്യോഗസ്ഥന് എറണാകുളത്തെ പൊലീസ് ഗ്രൂപ്പിലേക്ക് ഷെയര്‍ ചെയ്തതോടെ സംഭവം വിവാദമായി.
തിരുവനന്തപുരം നഗരാതിര്‍ത്തിയിലെ പൊലീസ് സ്റ്റേഷനില്‍ ചാര്‍ജെടുത്ത എസ് ഐയാണ് കഥാനായകന്‍. നഗരമധ്യത്തിലെ മറ്റൊരു സ്റ്റേഷനില്‍ ജോലി ചെയ്യവെ, ശ്രീകാര്യത്ത് പേയിങ് ഗസ്റ്റായി താമസിക്കുന്ന കേരള സര്‍വകലാശാല ജീവനക്കാരിയുമായി ഇയാള്‍ ഫേസ്ബുക്കിലൂടെ സൗഹൃദത്തിലായി. ഏറെ നാളായി തുടര്‍ന്നുവന്ന ബന്ധം അടുത്തിടെയാണ് വഷളായത്. ഉദ്യോഗസ്ഥന് പിന്മാറാന്‍ ശ്രമിച്ചതോടെ യുവതി പലതവണ നേരില്‍ കാണാന്‍ ശ്രമം നടത്തി. എസ് ഐ പോകുന്നിടത്തെല്ലാം യുവതിയുമെത്തി. കാണണമെന്ന ആവശ്യം എസ് ഐ നിരസിക്കുകയും മറുപടി നല്‍കാതിരിക്കുകയും ചെയ്തതോടെയാണ് യുവതി ആത്മഹത്യാ ഭീഷണി മുഴക്കിയത്.
കാര്യങ്ങള്‍ കൈവിട്ടുപോയതോടെ അസിസ്റ്റന്റ് കമ്മീഷണര്‍ യുവതിയെ കൗണ്‍സിലിങ്ങിന് വിധേയമാക്കാന്‍ വനിതാ പൊലീസ് ഉദ്യോഗസ്ഥരെ ചുമതലപ്പെടുത്തി. തിങ്കളാഴ്ച യുവതിയുടെ വീട്ടുകാരെ വിളിച്ചുവരുത്തി വിഷയം ധരിപ്പിച്ചു. എസ്‌ഐക്ക് എതിരെ പരാതിയില്ലെന്നും അബദ്ധംപറ്റിയതാണെന്നും യുവതി പറഞ്ഞുവെന്നാണ് പൊലീസ് വിശദീകരിക്കുന്നത്. ഇതിനിടെ, യുവതിക്ക് മാനസിക പ്രശ്നങ്ങളുണ്ടെന്ന് വരുത്തിതീര്‍ത്ത് എസ്‌ഐയെ രക്ഷിക്കാന്‍ ശ്രമിക്കുന്നുവെന്നും ആരോപണമുയര്‍ന്നിട്ടുണ്ട്. സംഭവത്തില്‍ ഉദ്യോഗസ്ഥന് വീഴ്ച പറ്റിയിട്ടുണ്ടോ എന്ന് സൈബര്‍ പരിശോധിക്കുമെന്നാണ് അറിയുന്നത്.
https://www.facebook.com/Malayalivartha
