ഇടുക്കി ജില്ലയില്‍ നെടുങ്കണ്ടത്തിനടുത്ത് ചെമ്പകപ്പാറ കൊച്ചുകാമാക്ഷിയില്‍ വീണ്ടും നന്നങ്ങാടികളുടെ സാന്നിധ്യം. പുരാവസ്തു വകുപ്പ് വവിശദപഠനം നടത്താന്‍ ഒരുങ്ങുന്നു.

കൊച്ചുകാമാക്ഷി കൊച്ചുകുന്നേല്‍ ഷാജന്‍ ഫിലിപ്പിന്റെ പുരയിടത്തില്‍ നിന്നാണ് വീണ്ടും നന്നങ്ങാടികള്‍ കണ്ടെത്തിയത്.

സംസ്ഥാന പുരാവസ്തു വകുപ്പിന്റെയും നെടുങ്കണ്ടം കേന്ദ്രമായി പ്രവര്‍ത്തിക്കുന്ന പുരാവസ്തു ചരിത്ര സംരക്ഷണ സമിതി പ്രവര്‍ത്തകരുടെയും നേതൃത്വത്തില്‍ നന്നങ്ങാടികള്‍ പഠനവിധേയമാക്കാന്‍ തയാറെടുക്കുകയാണ് ഷാജന്‍ ഫിലിപ്.

ഷാജന്‍ ഫിലിപ് പുരയിടത്തില്‍ ആട്ടിന്‍കൂട് നിര്‍മാണത്തിനായി ഏതാനും ദിവസങ്ങള്‍ക്ക് മുന്‍പ് മണ്ണെടുത്തപ്പോഴാണ് 2 നന്നങ്ങാടികള്‍ ആദ്യമായി ലഭിക്കുന്നത്. ഇതില്‍ ഒരെണ്ണത്തിനുള്ളില്‍ നിന്ന് അസ്ഥികളുടെ അവശിഷ്ടങ്ങളും കണ്ടെത്തിയിരുന്നു.

നെടുങ്കണ്ടം കേന്ദ്രീകരിച്ച് പ്രവര്‍ത്തിക്കുന്ന പുരാവസ്തു ചരിത്ര സംരക്ഷണ സമിതി പ്രവര്‍ത്തകര്‍ സ്ഥലത്തെത്തിയിരുന്നു.ഷാജന്‍ ഫിലിപ് പുരയിടത്തില്‍ വീണ്ടും നടത്തിയ പരിശോധനയിലാണ് കൂടുതല്‍ നന്നങ്ങാടികളുണ്ടെന്നു കണ്ടെത്തിയത്.