ട്രഷറികള്‍ മുഖേനയുള്ള സര്‍വീസ്, ഫാമിലി പെന്‍ഷനുകളുടെ വിതരണം പെന്‍ഷന്‍കാരുടെ അക്കൗണ്ടുകളുടെ അവസാന അക്കത്തിന്റെ അടിസ്ഥാനത്തില്‍ ഏപ്രില്‍ രണ്ട് മുതല്‍ ഏഴു വരെ അഞ്ച് ദിവസങ്ങളിലായി കൂടുതല്‍ ഘട്ടമായി പുനഃക്രമീകരിച്ചു.
പെന്‍ഷന്‍ സ്വീകരിക്കുന്നതിനായി കൂട്ടം കൂടുന്നതിനുള്ള സാധ്യത പരമാവധി ഒഴിവാക്കുന്നതിനാണ് പെന്‍ഷന്‍ വിതരണം കൂടുതല്‍ ഘട്ടങ്ങളിലായി പുനഃക്രമീകരിച്ചതെന്ന് ട്രഷറി ഡയറക്ടര്‍ അറിയിച്ചു.

തിയതി, സമയം, പെന്‍ഷന്‍ വിതരണം നടത്തുന്ന അക്കൗണ്ടുകള്‍ (പി.ടി.എസ്.ബി. അക്കൗണ്ട് നമ്ബര്‍) എന്ന ക്രമത്തില്‍ ചുവടെ:
ഏപ്രില്‍ രണ്ടിന് 9 മുതല്‍ 1 മണി വരെ പി.ടി.എസ്.ബി. അക്കൗണ്ട് നമ്ബര്‍ പൂജ്യത്തില്‍ (0) അവസാനിക്കുന്നവരും 2 മുതല്‍ 5 മണി വരെ ഒന്നില്‍ (1) അവസാനിക്കുന്നവരും, ഏപ്രില്‍ മൂന്നിന് 9 മുതല്‍ 1 മണി വരെ രണ്ടില്‍ (2) അവസാനിക്കുന്നവരും, 2 മുതല്‍ 5 മണി വരെ മൂന്നില്‍ (3) അവസാനിക്കുന്നവരും, ഏപ്രില്‍ നാലിന് 9 മുതല്‍ 1 മണി വരെ നാലില്‍ (4) അവസാനിക്കുന്നവരും, 2 മുതല്‍ 5 മണി വരെ അഞ്ചില്‍ (5) അവസാനിക്കുന്നവരും, ഏപ്രില്‍ അറിന് 9 മുതല്‍ 1 മണി വരെ ആറില്‍ (6) അവസാനിക്കുന്നവരും, 2 മുതല്‍ 5 മണി വരെ ഏഴില്‍ (7) അവസാനിക്കുന്നവരും, ഏപ്രില്‍ ഏഴിന് 9 മുതല്‍ 1 മണി വരെ എട്ടില്‍ (8) അവസാനിക്കുന്നവരും, 2 മുതല്‍ 5 മണി വരെ ഒന്‍പതില്‍ (9) അവസാനിക്കുന്നവരും പെന്‍ഷന്‍ സ്വീകരിക്കുന്നതിനായി എത്തണം