സംസ്ഥാനത്ത് കോവിഡ് വ്യാപനമേറുന്നതായി ആശങ്ക.. ഇന്ന് സംസ്ഥാനത്ത് സമ്പര്‍ക്കത്തിലൂടെ ഏറ്റവും കൂടുതല്‍ രോഗികളുള്ള ദിവസം .. പുതിയ കൊവിഡ്-19 കണക്കുകള്‍ പുറത്തുവന്നപ്പോൾ 27 പേര്‍ക്കാണ് ഇന്ന് സമ്പർക്കത്തിലൂടെ കൊവിഡ് രോഗബാധ റിപ്പോര്‍ട്ട് ചെയ്തിരിക്കുന്നത്.

രോഗികളുടെ എണ്ണം വര്‍ദ്ധിക്കുന്നുണ്ടെങ്കിലും കൂടുതുലും എവിടെ നിന്നുമാണ് വരുന്നത് എന്ന് വ്യക്തമാകുന്നുണ്ടായിരുന്നു. എന്നാൽ അടുത്ത ദിവസങ്ങളിലായി ഉറവിടം അറിയാത്ത കേസുകളും വർദ്ധിച്ചുവരുന്നുണ്ട്. ഇത് പരിശോധിച്ച് വരികയാണ് എന്നും സമൂഹവ്യാപനത്തിന്റേതായ പ്രശ്നത്തിലേക്ക് ഇതുവരേയും എത്തിയിട്ടില്ലെന്നും മുഖ്യമന്ത്രി അറിയിച്ചു.

കേരളത്തില്‍ ഇന്ന് 211 പേര്‍ക്കാണ് കൊവിഡ് രോഗബാധ റിപ്പോര്‍ട്ട് ചെയ്തിരിക്കുന്നത്. സംസ്ഥാനത്ത് ഇതുവരെയുണ്ടായിരിക്കുന്നതില്‍ ഏറ്റവും വലിയ പ്രതിദിന വര്‍ദ്ധനവാണ് ഇന്ന് ഉണ്ടായിരിക്കുന്നത്. ഇന്ന് മലപ്പുറത്താണ് ഏറ്റവുമധികം രോഗികളുണ്ടായിരിക്കുന്നത്.തിരുവനന്തപുരം, എറണാകുളം നഗരങ്ങളിലും മലപ്പുറം ജില്ലയിലെ പൊന്നാനി താലൂക്കിലും സാഹചര്യം ഗുരുതരമാണ്