എല്‍എല്‍ബി പരീക്ഷയില്‍ കോപ്പിയടി....! പരീക്ഷ പുരോഗമിക്കുന്നതിനിടെ ക്ലാസിലെത്തി സ്ക്വാഡ് പൊക്കിയ ഇന്‍സ്പെക്ടര്‍ക്ക് സസ്പെന്‍ഷന്‍, സല്‍പ്പേര് കളങ്കപ്പെടുത്തിയെന്ന് സസ്പെന്‍ഷൻ ഉത്തരവ്, ഉദ്യോഗസ്ഥനെ ട്രെയിനിംഗ് കോളേജില്‍ നിന്നും മാറ്റാനും നിര്‍ദ്ദേശം..! ഉദ്യോഗസ്ഥനോടൊപ്പം പിടിയിലായ മറ്റുള്ളവരുടെ വിവരങ്ങള്‍ പൂഴ്ത്തി
എല്‍എല്‍ബി പരീക്ഷയില്‍ കോപ്പിയടിച്ച പൊലീസ് ട്രെയിനിംഗ് കോളേജിലെ ഇന്‍സ്പെക്ടര്‍ക്ക് സസ്പെന്‍. എല്‍എബി പരീക്ഷയിലാണ് പൊലീസ് ട്രെയിനിംഗ് കോളേജിലെ ഇന്‍സ്പെക്ടര്‍ ആദര്‍ശ് കോപ്പിയടിച്ചത്. ഉദ്യോഗസ്ഥന്‍ കോപ്പയിടിക്കിടെ പിടിയിലായത് പൊലീസ് ട്രെയിനിംഗ് കോളേജിന്റെ സല്‍പ്പേര് കളങ്കപ്പെടുത്താന്‍ കാരണമായെന്ന് ആദര്‍ശിനെ സസ്പെന്‍ഡ് ചെയ്തുള്ള ഉത്തരവില്‍ എഡിജിപി ചൂണ്ടിക്കാട്ടുന്നു.
നടപടി നേരിട്ട ഉദ്യോഗസ്ഥനെ ട്രെയിനിംഗ് കോളേജില്‍ നിന്നും മാറ്റാനും നിര്‍ദേശിച്ചിട്ടുണ്ട്. ആദര്‍ശ് ഉള്‍പ്പെടെ നാലുപേരെയാണ് പരീക്ഷയ്ക്കിടെ കോപ്പിയടിച്ചതിന് പിടികൂടിയത്. പരീക്ഷ പുരോഗമിക്കുന്നതിനിടെ ക്ലാസിലെത്തി സ്ക്വാഡാണ് ഇവരെ പൊക്കിയത്. ലോ അക്കാദമിയിലെ ഈവനിങ് ബാച്ചിലെ വിദ്യാര്‍ത്ഥിയായ ആദര്‍ശ് പരീക്ഷ പഠിക്കാനായി മൂന്നൂ മാസമായി അവധിയിലായിരുന്നു.
സംഭവത്തെ കുറിച്ച്‌ റിപ്പോര്‍ട്ട് നല്‍കാന്‍ പൊലീസ് ട്രെയിനിംഗ് കോളജ് പ്രിന്‍സിപ്പലിനോടും സര്‍വകലാശാലയോടും വിവരങ്ങള്‍ തേടിയിരുന്നു. അതേസമയം ലോ അക്കാദമിയിലെ ഈവനിംഗ് ബച്ചില്‍ പഠിക്കുന്നതിലേറെയും സര്‍ക്കാര്‍ ഉദ്യോഗസ്ഥരാണ്. ആദർശിനോടൊപ്പം കോപ്പിയടിക്ക് പിടിക്കപ്പെട്ട മറ്റുള്ളവരുടെ വിവരങ്ങള്‍ കോളജോ സര്‍വ്വകലാശാലയോ പുറത്തുവിടുന്നില്ല.കോപ്പിയടിക്ക് പിടിക്കപ്പെട്ടതും ഉദ്യോഗസ്ഥരാകാന്‍ സാധ്യതയുള്ളതിലാണ് വിവരം രഹസ്യമായി സൂക്ഷിക്കുന്നതെന്നാണ് വിവരം.
https://www.facebook.com/Malayalivartha
