തലയ്ക്ക് ഉള്ളിലെ ബ്ലീഡിങാണ് മരണ കാരണം.... മരിച്ച നിലയില്‍ കണ്ടെത്തിയ സൗജത്തിന്റെ വലത് നെറ്റിയുടെ ഉള്ളില്‍ ചതവെന്ന് പോസ്റ്റുമോര്‍ട്ടം റിപ്പോര്‍ട്ട്... കൊലക്കേസ് പ്രതിയെ കഴുത്തില്‍ ഷാള്‍ മുറുകി മരിച്ച നിലയില്‍ കണ്ടെത്തിയ സംഭവത്തില്‍ വഴിത്തിരിവ്...
തലയ്ക്ക് ഉള്ളിലെ ബ്ലീഡിങാണ് മരണ കാരണം.... മരിച്ച നിലയില്‍ കണ്ടെത്തിയ സൗജത്തിന്റെ വലത് നെറ്റിയുടെ ഉള്ളില്‍ ചതവെന്ന് പോസ്റ്റുമോര്‍ട്ടം റിപ്പോര്‍ട്ട്... കൊലക്കേസ് പ്രതിയെ കഴുത്തില്‍ ഷാള്‍ മുറുകി മരിച്ച നിലയില്‍ കണ്ടെത്തിയ സംഭവത്തില്‍ വഴിത്തിരിവ്...
മലപ്പുറത്ത് ഷാള്‍ കഴുത്തില്‍ മുറുകിയ നിലയില്‍ കണ്ടെത്തിയ സൗജത്തിന്റെ മുറി അകത്തു നിന്ന് പൂട്ടിയ നിലയിലായിരുന്നു. വിഷം കഴിച്ച് തീവ്രപരിചരണ വിഭാഗത്തില്‍ തുടരുന്ന കാമുകന്‍ ബഷീറിന്റെ മൊഴി പൊലീസ് എടുക്കും.
സംഭവ ദിവസം ഇയാളുടെ മൊബൈല്‍ ലൊക്കേഷനും പൊലീസ് പരിശോധനയിലുണ്ട്. 2018 ല്‍ കാമുകന്‍ ബഷീറിനൊപ്പം ചേര്‍ന്ന് ഭര്‍ത്താവിനെ ക്രൂരമായി കൊലപ്പെടുത്തിയ സൗജത്തിനെയാണ് ഇന്നലെ മരിച്ച നിലയില്‍ കണ്ടെത്തിയത്. കൊലക്കേസില്‍ അറസ്റ്റിലായ ഇരുവരും ജാമ്യത്തിലിറങ്ങി വാടക വീടുകളില്‍ മാറി മാറി താമസിച്ച് വരികയായിരുന്നു.
കഴിഞ്ഞ ദിവസമാണ് സൗജത്തിനെ മരിച്ച നിലയിലും കാമുകന്‍ ബഷീറിനെ വിഷം കഴിച്ച നിലയിലും കണ്ടെത്തിയത്. ബഷീര്‍ തീവ്രപരിചരണ വിഭാഗത്തില്‍ ചികിത്സയില്‍ കഴിയുകയാണ്്.
അതേസമയം സൗജത്ത് കഴിഞ്ഞ കുറച്ച് നാളായി ബഷീറിനൊപ്പമല്ല, മറ്റൊരാള്‍ക്ക് ഒപ്പമാണ് താമസിച്ച് വന്നിരുന്നത്. ഇയാളാണ് സൗജത്തിനെ തൂങ്ങിമരിച്ച നിലയില്‍ കണ്ടെത്തിയതായി പൊലീസിനെ വിവരമറിയിച്ചത്. പൊലീസ് ആശുപത്രിയില്‍ കഴിയുന്ന ബഷീറിന്റെ മൊഴിയെടുക്കും. ഇയാളുടെ മൊബൈല്‍ ടവര്‍ ലൊക്കേഷന്‍ പരിശോധിച്ച് വരുന്നു.
"
https://www.facebook.com/Malayalivartha
