കോളയാട് ജനവാസ മേഖലയില്‍ വീണ്ടും കാട്ടുപോത്ത്. കോളയാട് ടൗണിന് സമീപം സെന്റ് കൊര്‍ണേലിയൂസ് ഹയര്‍ സെക്കന്‍ഡറി സ്‌കൂളിന് സമീപത്തെ മനയാനിക്കല്‍ സെബാസ്റ്റ്യന്റെ പറമ്പിലാണ് രണ്ടു കാട്ടുപോത്തുകളെ രാവിലെ കണ്ടത്. കാട്ടുപോത്തിനെ പോലീസും വനം വകുപ്പും നാട്ടുകാരും ചേര്‍ന്ന് കാടുകയറ്റി. .

നാട്ടുകാര്‍ വിവരമറിയിച്ചതിന്റെ അടിസ്ഥാനത്തില്‍ വനപാലകരും പൊലീസും സ്ഥലത്തെത്തി. ഇവയെ കാട്ടിലേക്കു തുരത്താനുള്ള നടപടി ആരംഭിച്ചു. ഇന്ന് സ്‌കൂള്‍ ഇല്ലാത്തതിനാല്‍ വലിയ ദുരന്തമാണ് ഒഴിവായത്.

കഴിഞ്ഞ ഏതാനും ദിവസം മുന്‍പ് പെരുവ പാലയത്തുവയല്‍ യുപി സ്‌കൂള്‍ മുറ്റത്തും കാട്ടുപോത്ത് എത്തിയിട്ടുണ്ടായിരുന്നു. സ്വകാര്യ വ്യക്തിയുടെ പറമ്പില്‍ നിന്നും സ്‌കൂള്‍ കിണര്‍ വരെ കാട്ടുപോത്ത് എത്തിയിരുന്നു.