കഞ്ചാവ് മൊത്തവ്യാപാരി നിസാറിന് ജാമ്യമില്ല... റിമാന്റ് ജൂണ് 18 വരെ നീട്ടി, രണ്ട് വര്ഷം മുമ്പ് കടലില് ചാടി അറസ്റ്റ് ഒഴിവാക്കിയ 41 കാരനായ കഞ്ചാവ് വ്യാപാരിയെ 2019 ഏപ്രില് 23.നാണ് എക്സൈസ് ഉദ്യോഗസ്ഥര് അറസ്റ്റ് ചെയ്തത്
കഞ്ചാവ് മൊത്തവ്യാപരി കഠിനകുളം സ്വദേശി നിസാറിന് തിരുവനന്തപുരം ഒന്നാം അഡീ. ജില്ലാ സെഷന്സ് ജഡ്ജി കെ. പി. അനില്കുമാര് ജാമ്യം നിഷേധിച്ചു. 2019 മുതല് ജയിലില് പാര്പ്പിച്ചിട്ടുള്ള വിചാരണ തടവുകാരനായ പ്രതിയുടെ റിമാന്റ് ജൂണ് 18 വരെ നീട്ടി ജയിലിലേക്ക് തിരിച്ചയച്ചു.
സംഭവത്തിന് രണ്ട് വര്ഷം മുമ്പ് കടലില് ചാടി അറസ്റ്റ് ഒഴിവാക്കിയ 41 കാരനായ കഞ്ചാവ് വ്യാപാരി നിസാറിനെ 2019 ഏപ്രില് 23.നാണ് എക്സൈസ് ഉദ്യോഗസ്ഥര് അറസ്റ്റ് ചെയ്തത്.
എക്സൈസ് ഇന്സ്പെക്ടര് പ്രതീപ് റാവുവിന്റെ നേതൃത്വത്തിലുള്ള എക്സൈസ് സംഘമാണ് 1.1 കിലോ കഞ്ചാവും 4,000 രൂപയുമായി പുതുകുറിശ്ശി കഠിനംകുളം സ്വദേശി നിസാറിനെ അറസ്റ്റ് ചെയ്തത്. ഇയാള്ക്കെതിരെ എന്ഡിപിഎസ് ആക്ട് സെക്ഷന് 22 ബി പ്രകാരമാണ് കോടതി കുറ്റം ചുമത്തിയിട്ടുള്ളത്.
കഴക്കൂട്ടം, കണിയാപുരം, കഠിനംകുളം, പെരുമാതുറ, ആറ്റിങ്ങല്, ചിറയിന്കീഴ് എന്നിവിടങ്ങളിലെ പ്രധാന കഞ്ചാവ് മൊത്തവ്യാപാരിയാണ് ഇയാളെന്ന് എക്സൈസ് ഉദ്യോഗസ്ഥര് കോടതിയില് സമര്പ്പിച്ച റിപ്പോര്ട്ടില് പറയുന്നു.
https://www.facebook.com/Malayalivartha