ലോക്സഭ തെരഞ്ഞെടുപ്പില് കൊല്ലത്തെ എല്ഡിഎഫ് സ്ഥാനാര്ത്ഥി എം മുകേഷ് എംഎല്എ ഇന്ന് നാമനിര്ദ്ദേശപത്രിക സമര്പ്പിക്കും...രാവിലെ പത്തരയോടെ ഹൈസ്കൂള് ജംഗ്ഷനിലുള്ള സിഐടിയു ഓഫീസില് നിന്ന് മുന്നണി നേതാക്കള്ക്കും പ്രവര്ത്തകര്ക്കുമൊപ്പം പത്രിക സമര്പ്പിക്കാന് പുറപ്പെടും
ലോക്സഭ തെരഞ്ഞെടുപ്പില് കൊല്ലത്തെ എല്ഡിഎഫ് സ്ഥാനാര്ത്ഥി എം മുകേഷ് എംഎല്എ ഇന്ന് നാമനിര്ദ്ദേശപത്രിക സമര്പ്പിക്കും. രാവിലെ പത്തരയോടെ ഹൈസ്കൂള് ജംഗ്ഷനിലുള്ള സിഐടിയു ഓഫീസില് നിന്ന് മുന്നണി നേതാക്കള്ക്കും പ്രവര്ത്തകര്ക്കുമൊപ്പം പത്രിക സമര്പ്പിക്കാന് പുറപ്പെടും.
മത്സ്യത്തൊഴിലാളികളാണ് മുകേഷിന് കെട്ടിവയ്ക്കാനുള്ള തുക കൈമാറിയത്. രണ്ടാം ഘട്ടത്തില് വോട്ടെടുപ്പ് നടക്കുന്ന കേരളം ഉള്പ്പെടെ 13 സംസ്ഥാനങ്ങളിലെ 89 മണ്ഡലങ്ങളിലേക്കുള്ള തെരഞ്ഞെടുപ്പ് വിജ്ഞാപനം ഇന്ന് പുറപ്പെടുവിക്കും.
ഇന്നുമുതല് ഏപ്രില് നാലു വരെ പത്രിക സമര്പ്പിക്കാവുന്നതാണ്. രാവിലെ 11 മുതല് വൈകിട്ട് മൂന്നു വരെയാണ് പത്രിക സ്വീകരിക്കുന്ന സമയം. അഞ്ചാം തീയതി നാമനിര്ദേശ പത്രികകളുടെ സൂക്ഷ്മ പരിശോധന നടക്കും. എട്ടാം തീയതി വരെ പത്രിക പിന്വലിക്കാം. ഏപ്രില് 26 നാണ് വോട്ടെടുപ്പ്.
കേരളത്തില് നാമനിര്ദ്ദേശ പത്രികാ സമര്പ്പണത്തിനുള്ള തയ്യാറെടുപ്പുകള് പൂര്ത്തിയായെന്ന് തെരഞ്ഞെടുപ്പ് ഓഫീസര് സഞ്ജയ് കൗള് അറിയിച്ചു.
സംസ്ഥാനത്ത് 20 ലോക്സഭാ മണ്ഡലങ്ങളിലേക്കും ബന്ധപ്പെട്ട റിട്ടേണിംഗ് ഓഫീസര്മാര്ക്കു മുമ്പാകെയാണ് പത്രിക സമര്പ്പിക്കാനുള്ളത്.
https://www.facebook.com/Malayalivartha