പൂച്ചാക്കലില് ബൈക്കപകടത്തില് പരിക്കേറ്റ് ചികിത്സയിലായിരുന്ന യുവാവ് അപകടം നടന്ന് പത്ത് മാസങ്ങള്ക്ക് ശേഷം മരിച്ചു...
പൂച്ചാക്കലില് ബൈക്കപകടത്തില് പരിക്കേറ്റ് ചികിത്സയിലായിരുന്ന യുവാവ് അപകടം നടന്ന് പത്ത് മാസങ്ങള്ക്ക് ശേഷം മരിച്ചു. ചേര്ത്തല പള്ളിപ്പുറം പഞ്ചായത്ത് ആറാം വാര്ഡില് കൂവക്കാട്ട്ചിറ പ്രകാശന്റെ മകന് പ്രണവ് (25) ആണ് മരിച്ചത്.
അപകടസമയത്ത് ബൈക്കില് ഒപ്പം സഞ്ചരിച്ചിരുന്ന പ്രണവിന്റെ സുഹൃത്തുക്കളായ രണ്ട് പേര് സംഭവസ്ഥലത്തുവെച്ച് മരിച്ചിരുന്നു.
2023 മെയ് ഏഴിന് ചേര്ത്തല-അരൂക്കുറ്റി റോഡില് മാക്കേക്കവലയിലാണ് അപകടം ഉണ്ടായത്. ഗുരുതരമായി തലയക്ക് പരിക്കേറ്റ പ്രണവ് എറണാകുളത്തെ സ്വകാര്യ ആശുപത്രിയിലുള്പ്പടെ വിവിധ ആശുപത്രികളിലും ചികിത്സയിലായിരുന്നു.
പ്രണവിന്റെ സുഹൃത്തുക്കളായ ചേന്നംപള്ളിപ്പുറം പഞ്ചായത്ത് ആറാം വാര്ഡ് വള്ളിക്കാട്ട് കോളനി മട്ടപ്പുറത്തുവെളി പ്രണവ് പ്രമോദ് (22), തൂവാനത്തുവെളി ബിസ്മല് ബാബു (26) എന്നിവരാണ് മുന്പ് മരിച്ചത്. ഇവര് സഞ്ചരിച്ചിരുന്ന ബൈക്ക് കാറിനെ മറികടക്കാനായി ശ്രമിക്കുന്നതിനിടെ നിയന്ത്രണംതെറ്റി എതിരേവരികയായിരുന്ന സ്വകാര്യ ബസിന്റെ അടിയിലേക്ക് വീണു.
"
https://www.facebook.com/Malayalivartha