സിദ്ധാര്‍ത്ഥിന്റെ മരണത്തില്‍ ഗവര്‍ണര്‍ ആരിഫ് മുഹമ്മദ് ഖാന്‍ ജുഡിഷ്യല്‍ അന്വേഷണം പ്രഖ്യാപിച്ചു
പൂക്കോട് വെറ്ററിനറി സര്‍വകലാശാല വിദ്യാര്‍ത്ഥി സിദ്ധാര്‍ത്ഥിന്റെ മരണത്തില്‍ ഗവര്‍ണര്‍ ആരിഫ് മുഹമ്മദ് ഖാന്‍ ജുഡിഷ്യല്‍ അന്വേഷണം പ്രഖ്യാപിച്ചു. ഹൈക്കോടതി മുന്‍ ജഡ്ദജി എ. ഹരിപ്രസാദിനാണ് അന്വേഷണ ചുമതല. ചാന്‍സലറുടെ അധികാരമുപയോഗിച്ചാണ് ഗവര്‍ണര്‍ ജുഡിഷ്യല്‍ അന്വേഷണം പ്രഖ്യാപിച്ചത്. മുന്‍ വയനാട് ഡിവൈ.എസ്.പി വി.ജി. കുഞ്ഞനെ അന്വേഷണത്തിന് സഹായിയായും നിയമിച്ചിട്ടുണ്ട്. മൂന്നുമാസത്തിനുള്ളില്‍ റിപ്പോര്‍ട്ട് നല്‍കാനാണ് നിര്‍ദ്ദേശം. വി.സിയുടെയും ഡീനിന്റെയും വീഴ്ചകളും അന്വേഷണത്തിന്റെ പരിധിയില്‍ ഉള്‍പ്പെടും. സി.ബി.ഐ അന്വേഷണത്തില്‍ അന്തിമതീരുമാനം വരുംമുമ്പാണ് ഗവര്‍ണര്‍ അന്വേഷണ കമ്മിഷനെ നിയമിച്ചത്. സിദ്ധാര്‍ത്ഥിന്റെ മരണത്തിലേക്ക് നയിച്ച സാഹചര്യങ്ങള്‍ എന്തൊക്കെ, ക്യാമ്പസിനുള്ളിലെ ക്രൂരമായ അക്രമം തടയുന്നതില്‍ വാഴ്‌സിറ്റി അധികൃതര്‍ക്കുണ്ടായ വീഴ്ച,അക്രമത്തിനു പിന്നിലെ ഗൂഢാലോചന എന്നിവയാവും അന്വേഷിക്കുക. ഭാവിയില്‍ ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ പാലിക്കേണ്ട നടപടികള്‍ കമ്മിഷന്‍ ശുപാര്‍ശ ചെയ്യും. . ചെലവ് വെറ്ററിനറി യൂണിവേഴ്‌സിറ്റി വഹിക്കും.
https://www.facebook.com/Malayalivartha
