കേന്ദ്രവിദ്യാഭ്യാസ മന്ത്രാലയത്തിന്റെ സഹകരണത്തോടെ കേരള ഹിന്ദിപ്രചാരസഭ മുഖ്യകാര്യാലയത്തില്‍ ഏപ്രില്‍ ഒന്നിന് രാവിലെ പത്ത് മുതല്‍ അവധിക്കാല ഹിന്ദിക്‌ളാസുകള്‍ സംഘടിപ്പിക്കുന്നു. പ്രായപരിധിയില്ലാതെ ആര്‍ക്കും ചേരാം. പത്താം ക്ലാസ്സ് മാത്രം കഴിഞ്ഞവര്‍ക്കും, പ്ലസ് ടു മാത്രം ഉള്ളവര്‍ക്കും ഡിഗ്രി ഉള്ളവര്‍ക്കും വിവധ കോഴ്‌സുകളില്‍ ചേരാവുന്നതാണ്. കൂടാതെ ഹിന്ദി ടൈപ്പ് റൈറ്റിംഗ് ആന്‍ഡ് ഷോര്‍ട്ട് ഹാന്‍ഡും പഠിക്കാന്‍ അവസരമുണ്ട്.

1.ഹിന്ദി പരിചയക്‌ളാസ്, ഹിന്ദി പ്രഥമ- ഹിന്ദി ദൂസരി(പ്രായപരിധിയില്ലാതെ ചേരാം)

2. രാഷ്ട്രഭാഷ ഹിന്ദി- ഹിന്ദി ദൂസരി, അല്ലെങ്കില്‍ സി.ബി.എസ്.ഇ, ഐ.സി.എസ്.ഇ സിലബസ്സില്‍ ഹിന്ദിയോടുകൂടി ഏഴാംക്‌ളാസ് പാസ്സായവര്‍/ സ്റ്റേറ്റ് സിലബസില്‍ ഒന്‍പതാം ക്‌ളാസ്

3. ഹിന്ദി പ്രവേശ് - രാഷ്ട്രഭാഷ ഹിന്ദി യോഗ്യത/ സി.ബി.എസ്.ഇ, ഐ.സി.എസ്.ഇ സിലബസ്സില്‍ എട്ടാംക്‌ളാസ്/ എസ്.എസ്.എല്‍.സിക്ക് ഹിന്ദിയോടെ ഡി പ്‌ളസും അതിനുമുകളിലും കരസ്ഥമാക്കിയവര്‍

4. ഹിന്ദി ഭൂഷണ്‍ - ഹിന്ദി പ്രവേശ് അല്ലെങ്കില്‍ പ്രീഡിഗ്രി/ പ്‌ളസ് ടു സെക്കന്‍ഡ് ലാംഗ്വേജ് ഹിന്ദിയോടുകൂടി പാസ്സായവര്‍. സി.ബി.എസ്.ഇ, ഐ.സി.എസ്.ഇ സിലബസ്സില്‍ പത്താംക്‌ളാസില്‍ ഡി പ്ലസും അതിനുമുകളിലും നേടിയവര്‍. (ഹിന്ദി ഭൂഷണ്‍ പാസ്സായവര്‍ക്ക് യു.പി സ്‌കൂള്‍ അദ്ധ്യാപകരാകാം. തുടര്‍ന്ന് കെ- ടെറ്റ് കാറ്റഗറി 4നും ഡി.എല്‍.എഡിനും ചേരാം)

5.സാഹിത്യാചാര്യ - ഹിന്ദിഭൂഷണ്‍ അല്ലെങ്കില്‍ ബി.എ, ബി.എസ്സി, ബി.കോം പരീക്ഷകള്‍ സെക്കന്‍ഡ് ലാംഗ്വേജ് ഹിന്ദിയോടെ പാസ്സായവര്‍. സി.ബി.എസ്.ഇ, ഐ.സി.എസ്.ഇ സിലബസ്സില്‍ ഹിന്ദിയോടുകൂടി പ്‌ളസ് ടുവിന് ഡി പ്ലസും അതിനുമുകളിലും ലഭിച്ചവര്‍ (സാഹിത്യാചാര്യ പാസ്സായവര്‍ക്ക് ബി.എഡിന് തുല്യമായ ആചാര്യ കോഴ്‌സിന് ചേരാം. തുടര്‍ന്ന് കെ-ടെറ്റ് കാറ്റഗറി 3 കരസ്ഥമാക്കി യു.പി, എച്ച്.എസ് ഹിന്ദി അദ്ധ്യാപകരാകാം).

6. ഹിന്ദി ടൈപ്പ് റൈറ്റിംഗ് ആന്‍ഡ് ഷോര്‍ട്ട് ഹാന്‍ഡ് - ഹിന്ദി പ്രവേശ് അല്ലെങ്കില്‍ സി.ബി.എസ്.ഇ/ ഐ.സി.എസ്.ഇ/ സ്റ്റേറ്റ് സിലബസില്‍ പത്താംക്‌ളാസ് പാസ്സായവര്‍ക്ക് ചേരാം. വിവരങ്ങള്‍ക്ക് ഓഫീസുമായി നേരിട്ടോ ഫോണിലോ ബന്ധപ്പെടാം 0471 - 2321378,? 2329459, 9447698865, 9446170008