ആ യാത്ര അന്ത്യയാത്രയായി.... ജാനകികാട് ടൂറിസം സെന്ററിന് സമീപം ചവറംമൂഴി നീര്പാലത്തിനടുത്ത് പുഴയില് കുളിക്കാനിറങ്ങിയ ബി.ഡി.എസ് വിദ്യാര്ഥി മുങ്ങി മരിച്ചു...
ആ യാത്ര അന്ത്യയാത്രയായി.... ജാനകികാട് ടൂറിസം സെന്ററിന് സമീപം ചവറംമൂഴി നീര്പാലത്തിനടുത്ത് പുഴയില് കുളിക്കാനിറങ്ങിയ ബി.ഡി.എസ് വിദ്യാര്ഥി മുങ്ങി മരിച്ചു...
ബി.ഡി.എസ് വിദ്യാര്ഥി പോണ്ടിച്ചേരി സ്വദേശി ഗൗഷിക് ദേവ് (22) ആണ് മരിച്ചത്. വെള്ളിയാഴ്ച വൈകുന്നേരം നാലോടെയാണ് സംഭവം നടന്നത്. മാഹിയിലെ ഡെന്റല് കോളേജിലെ ബി.ഡി.എസ്. നാലാം വര്ഷ വിദ്യാര്ഥികളായ ഏഴ് പേരടങ്ങിയ സംഘമാണ് ഉച്ചയോടെ പ്രദേശത്ത് വിനോദയാത്രക്കെത്തിയത്. കയമുള്ള ഭാഗത്ത് ഗൗഷിക് ദേവ് മുങ്ങി പോകുകയായിരുന്നു.
പെരുവണ്ണാമുഴി പോലീസും നാട്ടുകാരും ചേര്ന്ന് വിദ്യാര്ഥിയെ പുറത്തെടുത്ത് കരക്കെത്തിച്ചെങ്കിലും ജീവന് രക്ഷിക്കാന് കഴിഞ്ഞില്ല. മൃതദേഹം കുറ്റിയാടി താലൂക്ക് ആശുപത്രി മോര്ച്ചറിയിലാണ്.
അതേസമയം തിരുവനന്തപുരം പള്ളിക്കലില് സുഹൃത്തുക്കളോടൊപ്പം ആറ്റില് കുളിക്കാനിറങ്ങിയ വിദ്യാര്ത്ഥി മുങ്ങി മരിച്ചു. കല്ലമ്പലം നാവായിക്കുളം സ്വദേശി വൈഷ്ണവ് (19)ആണ് മരിച്ചത്. സുഹൃത്തുക്കള്ക്കൊപ്പം കുളിക്കാന് ഇറങ്ങിയ വൈഷ്ണവ് ഒഴുക്കില്പ്പെടുകയായിരുന്നു.
ഇന്ന് വൈകുന്നേരം 5.30നാണ് നാലം?ഗം സംഘം ആറ്റില് കുളിക്കാന് ഇറങ്ങിയത്. മുങ്ങിപ്പോയ വൈഷ്ണവിനെ ഒപ്പമുണ്ടായിരുന്ന സുഹൃത്തുകള് കരയ്ക്കത്തിച്ചു. തുടര്ന്ന് പാരിപ്പള്ളി മെഡിക്കല് കോളജില് എത്തിച്ചെങ്കിലും ജീവന് രക്ഷിക്കാനായില്ല. മരണപ്പെട്ട വൈഷ്ണവ് അഞ്ചല് സെന്റ് ജോണ്സില് രണ്ടാംവര്ഷ ഡിഗ്രി വിദ്യാര്ഥിയാണ് .
https://www.facebook.com/Malayalivartha