ഉത്സവത്തിന് കൂടുതല്‍ ആനകളെ വിട്ടുനല്‍കാന്‍ സാധിക്കില്ലെന്ന ദേവസ്വം ബോര്‍ഡിന്റെ പുതിയ നടപടിക്കെതിരെ പ്രതിഷേധവുമായി ഭക്തര്‍. തിരുവിതാംകൂര്‍ ദേവസ്വം ബോര്‍ഡിന്റെ കീഴിലുളള ഹരിപ്പാട് സുബ്രഹ്മണ്യ ക്ഷേത്രത്തിലെ ചിത്തിര തിരുനാള്‍ ഉത്സവത്തിനോടനുബന്ധിച്ചാണ് ഭക്തര്‍ പ്രതിഷേധവുമായി രംഗത്തെത്തിയിട്ടുള്ളത്.

ചരിത്ര പ്രസിദ്ധമായ ഉത്സവത്തിനാണ് ദേവസ്വം ബോര്‍ഡ് കൂടുതല്‍ ആനകളെ വിട്ടുനല്‍കില്ലെന്ന് അറിയിച്ചിരിക്കുന്നത്. വിഷുദിനത്തിനാണ് ക്ഷേത്രത്തില്‍ ഉത്സവം കൊടിയേറുന്നത്. കൊടിയേറ്റ് മുതല്‍ ആറാട്ട് വരെയുളള 37 ക്ഷേത്ര ചടങ്ങുകള്‍ക്ക് സാധാരണയായി ഒമ്പത് ആനകളെയാണ് എഴുന്നളളിക്കാറുളളത്.

മുന്‍വര്‍ഷങ്ങളിലും നാല് ആനകളെ മാത്രമാണ് ദേവസ്വം ബോര്‍ഡ് വിട്ടുനല്‍കിയിരുന്നത്. ബാക്കി ആനകളുടേയും ഉത്സവത്തിന്റേയും ചിലവ് ഭക്തജനങ്ങളില്‍ നിന്ന് പിരിവെടുത്താണ് കണ്ടെത്തിയിരുന്നത്. എന്നാല്‍ ഇത്തവണ ഒരാനയെ മാത്രമേ വിട്ടുനല്‍കാന്‍ സാധിക്കുകയുളളൂവെന്നാണ് ദേവസ്വം ബോര്‍ഡ് തീരുമാനിച്ചിരിക്കുന്നത്.

ദേവസ്വം ബോര്‍ഡിന്റെ തീരുമാനം അംഗീകരിക്കാനായി സാധിക്കില്ലെന്നും ഉദ്യോഗസ്ഥരെ കണ്ട് വിവരങ്ങള്‍ അറിയിച്ചിട്ടുണ്ടെന്നും ക്ഷേത്രത്തിലെ ഉപദേശക സമിതി .