എസ്എസ്എല്സി, ടി ച്ച് എസ് എല് സി, ഹയര് സെക്കന്ഡറി, വെക്കേഷണല് ഹയര് സെക്കന്ഡറി പരീക്ഷകളുടെ മൂല്യനിര്ണയം ഇന്ന്(ഏപ്രില് 3)ആരംഭിക്കും
എസ്എസ്എല്സി, ടി ച്ച് എസ് എല് സി, ഹയര് സെക്കന്ഡറി, വെക്കേഷണല് ഹയര് സെക്കന്ഡറി പരീക്ഷകളുടെ മൂല്യനിര്ണയം ഇന്ന്(ഏപ്രില് 3)ആരംഭിക്കും. എസ്എസ്എല്സി മൂല്യനിര്ണയത്തിനായി മൊത്തം 70 ക്യാമ്പുകളാണ് ഉണ്ടായിരിക്കുക. 14,000 ത്തോളം അധ്യാപകര് ക്യാമ്പില് പങ്കെടുക്കും. മൊത്തം മുപ്പത്തിയെട്ടര ലക്ഷത്തോളം ഉത്തര കടലാസുകളാണ് മൂല്യനിര്ണയം നടത്തുക.
ഹയര് സെക്കന്ഡറിയില് മൊത്തം 77 ക്യാമ്പുകള് ആണ് സജ്ജീകരിച്ചിരിക്കുന്നത്. അതില് 25 എണ്ണം ഡബിള് വാലുവേഷന് ക്യാമ്പുകള് ആണ്. മൊത്തം 25000 ത്തോളം അധ്യാപകര് മൂല്യനിര്ണയ ക്യാമ്പില് പങ്കെടുക്കുന്നുണ്ട്. ഒന്നും രണ്ടും വര്ഷ ഹയര്സെക്കന്ഡറിയില് പഠിക്കുന്ന എട്ടര ലക്ഷത്തോളം കുട്ടികളുടെ 52 ലക്ഷത്തില് പരം ഉത്തരക്കടലാസുകള് ആണ് മൂല്യനിര്ണയം നടത്തുക.
ടി ച്ച് എസ് എല് സിയ്ക്കായി രണ്ട് ക്യാമ്പുകളാണ് സജ്ജീകരിച്ചിരിക്കുന്നത്. 110 ഓളം അധ്യാപകര് ക്യാമ്പില് പങ്കെടുക്കും.ഇരുപതിനായിരത്തോളം ഉത്തരക്കടലാസുകളാണ് മൂല്യനിര്ണയം നടത്തേണ്ടത്. എ എച്ച് എസ് എല് സിയുടെ മൂല്യനിര്ണയം ഒരു ക്യാമ്പില് ആണ് നടത്തുക.
വെക്കേഷണല് ഹയര്സെക്കന്ഡറിയില് 8 ക്യാമ്പുകളില് ആയാണ് മൂല്യനിര്ണയം നടക്കുക. 2200 ഓളം അധ്യാപകര് മൂല്യനിര്ണയ ക്യാമ്പില് പങ്കെടുക്കും. മൂന്ന് ലക്ഷത്തി നാല്പ്പതിനായിരത്തോളം ഉത്തരക്കടലാസുകളാണ് മൂല്യനിര്ണയം നടത്തേണ്ടത്.
https://www.facebook.com/Malayalivartha
