എല്ലാ മാസവും ഒന്നാം തീയതി നടപ്പാക്കുന്ന ഡ്രൈ ഡേ പിന്വലിക്കാന് ആലോചന...
എല്ലാ മാസവും ഒന്നാം തീയതി നടപ്പാക്കുന്ന ഡ്രൈ ഡേ പിന്വലിക്കാന് ആലോചന. ബിവറേജ് വില്പ്പനശാലകള് ലേലം ചെയ്യുക, മൈക്രോവൈനറികള് പ്രോത്സാഹിപ്പിക്കുക തുടങ്ങിയ നിര്ദേശങ്ങളും സര്ക്കാര് പരിഗണനയിലാണ്്.
സര്ക്കാരിന്റെ വരുമാനവര്ധനയ്ക്കുള്ള നിര്ദേശങ്ങളെന്ന നിലയിലാണ് ഇവ പരിഗണിക്കുന്നത്. ചീഫ് സെക്രട്ടറിയുടെ അധ്യക്ഷതയില് കഴിഞ്ഞമാസം നടന്ന വകുപ്പു സെക്രട്ടറിമാരുടെ യോഗത്തിലാണ് ഇക്കാര്യം ചര്ച്ചയായത്.
ഇങ്ങനെ വര്ഷത്തില് 12 ദിവസം മദ്യവില്പന ഇല്ലാതാകുന്നത് ടൂറിസത്തെ ബാധിക്കുമെന്ന് യോഗം വിലയിരുത്തുകയും ചെയ്തു. കൂടാതെ ഇത് ദേശീയ-അന്തര്ദേശീയ കോണ്ഫറന്സുകളില് നിന്ന് സംസ്ഥാനത്തെ ഒഴിവാക്കാനും കാരണമായേക്കും.
ടൂറിസം വകുപ്പ് ബന്ധപ്പെട്ടവരുമായി ആലോചിച്ച് ഇതില് റിപ്പോര്ട്ട് സമര്പ്പിക്കാനായി ടൂറിസം സെക്രട്ടറിക്ക് നിര്ദേശം നല്കി. മൈക്രോ വൈനറികള് പ്രോത്സാഹിപ്പിക്കും. മസാല ചേര്ത്ത വൈനുകള് ഉള്പ്പെടെയുള്ളവ തയ്യാറാക്കാനുള്ള സാധ്യതകളും പരിശോധിക്കും. നിര്ദേശങ്ങള് സമര്പ്പിക്കാനായി കൃഷിവകുപ്പ് സെക്രട്ടറിയെ യോഗം ചുമതലപ്പെടുത്തി.
വരുമാനവര്ധനയ്ക്കുള്ള ശുപാര്ശകളില് വീഞ്ഞുനിര്മാണം പ്രോത്സാഹിപ്പിക്കാനായി പിന്തുണ നല്കണമെന്നാണ് നിര്ദേശം. ഹോര്ട്ടി വൈനിന്റെയും മറ്റു വൈനുകളുടെയും ഉത്പാദനം പ്രോത്സാഹിപ്പിക്കും.
കയറ്റുമതിക്കും ചില്ലറ വില്പ്പനവിപണികള്ക്കുമായി മധുരപലഹാരങ്ങളും കേക്കുകളും നിര്മിക്കാന് ഉപയോഗിക്കുന്ന മദ്യഉത്പന്നങ്ങള്ക്കും പ്രോത്സാഹനം നല്കും. കയറ്റുമതിക്കായി മദ്യം ലേബല് ചെയ്യുന്നതുമായി ബന്ധപ്പെട്ട നിയന്ത്രണങ്ങള് ദേശീയ, അന്തര്ദേശീയ നിയന്ത്രണങ്ങളെ അടിസ്ഥാനമാക്കി പുനഃപരിശോധിക്കാനും നിര്ദേശമുണ്ട്.
" f
https://www.facebook.com/Malayalivartha