സംസ്ഥാനം ചുട്ടുപൊള്ളുമെന്ന് ദുരന്ത നിവാരണ അതോറിട്ടി മുന്നറിയിപ്പ്... വോട്ട് ചെയ്യാന്‍ പോകുന്നവരും വിവിധ പാര്‍ട്ടികളുടെ പ്രവര്‍ത്തകരും സൂര്യപ്രകാശം നേരിട്ട് ശരീരത്തില്‍ ഏല്‍ക്കാതെ സൂക്ഷിക്കണം, 12 ജില്ലകളില്‍ യെല്ലോ അലര്‍ട്ട്
സംസ്ഥാനം ചുട്ടുപൊള്ളുമെന്ന് ദുരന്ത നിവാരണ അതോറിട്ടി മുന്നറിയിപ്പ്... വോട്ട് ചെയ്യാന്‍ പോകുന്നവരും വിവിധ പാര്‍ട്ടികളുടെ പ്രവര്‍ത്തകരും സൂര്യപ്രകാശം നേരിട്ട് ശരീരത്തില്‍ ഏല്‍ക്കാതെ സൂക്ഷിക്കണം, 12 ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു.
ഇന്ന് ഏറ്റവും കൂടുതല്‍ ചൂട് അനുഭവപ്പെടുക പാലക്കാട് ജില്ലയിലാണ്. 41 ഡിഗ്രിക്കാണ് സാദ്ധ്യത. ജില്ലയില്‍ ഉഷ്ണതരംഗ മുന്നറിയിപ്പ് പ്രഖ്യാപിച്ചു. പാലക്കാട് കഴിഞ്ഞാല്‍ കൊല്ലത്താകും അധിക ചൂട് അനുഭവപ്പെടുന്നത്. ഇവിടെ 39 ഡിഗ്രി വരെ ഉയരാന്‍ സാധ്യത. സാധാരണയില്‍ നിന്ന് 2 -4 ഡിഗ്രി ഉയര്‍ന്ന താപനില മറ്റു ജില്ലകളിലുമുണ്ടാകും.
അതേസമയം, തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളില്‍ ഇന്ന് വൈകിട്ട് മൂന്നിനു ശേഷം വേനല്‍ മഴ കിട്ടാന്‍ സാധ്യതയുണ്ട്. ഇടിമിന്നലിനും സാദ്ധ്യത്. മേയ് രണ്ടാം വാരം വേനല്‍ മഴ സജീവമായേക്കും.
മറ്റു ജില്ലകളിലെ ചൂട് തൃശൂര്‍, കോഴിക്കോട് ജില്ലകളില്‍ താപനില 38 ഡിഗ്രി വരെ ഉയരും ആലപ്പുഴ, പത്തനംതിട്ട, എറണാകുളം, കോട്ടയം, കണ്ണൂര്‍ 37 ഡിഗ്രി വരെ
തിരുവനന്തപുരം, മലപ്പുറം, കാസര്‍കോട് ജില്ലകളില്‍ 36 ഡിഗ്രി വരെയായേക്കും. പാലക്കാട്,കൊല്ലം ജില്ലകളില്‍ സുര്യാഘാത മുന്നറിയിപ്പുള്ളതിനാല്‍ അതീവ ജാഗ്രത പാലിക്കേണ്ടതാണ്. വോട്ടിടാന്‍ ക്യൂ നില്‍ക്കുമ്പോള്‍ വെയില്‍ ശരീരത്തില്‍ നേരിട്ട് ഏല്‍ക്കാതെ ശ്രദ്ധിക്കണം
ശുദ്ധജലം കരുതണം. ഇടയ്ക്കിടയ്ക്ക് വെള്ളം കുടിക്കണം. അയവുള്ള വസ്ത്രം ധരിക്കണം അസ്വസ്ഥത അനുഭവപ്പെട്ടാല്‍ ഉടന്‍ വൈദ്യസഹായം തേടണംവെയിലേല്‍ക്കാതെ ക്യൂനില്‍ക്കാന്‍ പന്തല്‍വോട്ടിടാന്‍ എത്തുന്നവര്‍ ക്യൂ നില്‍ക്കുന്നത് തുറസ്സായ സ്ഥലത്തെങ്കില്‍ പന്തലിടാന്‍ തിരഞ്ഞെടുപ്പ് കമ്മിഷന്‍ നിര്‍ദ്ദേശിച്ചു.
ഇവിടങ്ങളില്‍ കുടിവെള്ളം അടക്കമുള്ള സൗകര്യമൊരുക്കുകയും ചെയ്യും. മെഡിക്കല്‍ സഹായം ലഭ്യമാക്കാന്‍ അടുത്ത സര്‍ക്കാര്‍ ആശുപത്രിയുമായോ പ്രാഥമികാരോഗ്യ കേന്ദ്രവുമായോ സഹകരിച്ച് സംവിധാനമുറപ്പാക്കേണ്ടതാണ്.
https://www.facebook.com/Malayalivartha
