സംസ്ഥാനത്ത് ലോക്സഭ തെരഞ്ഞെടുപ്പിന് 13,272 കേന്ദ്രങ്ങളിലായി ഒരുക്കിയ 25,231 ബൂത്തുകളില് വോട്ടെടുപ്പ് പ്രക്രിയകള്ക്ക് നിയോഗിച്ചത് 1,01176 പോളിങ് ഉദ്യോഗസ്ഥരെ... ഒരു ബൂത്തില് പ്രിസൈഡിങ് ഓഫിസര് അടക്കം നാല് ഉദ്യോഗസ്ഥരാണ് വോട്ടെടുപ്പ് നിയന്ത്രിക്കുക
സംസ്ഥാനത്ത് ലോക്സഭ തെരഞ്ഞെടുപ്പിന് 13,272 കേന്ദ്രങ്ങളിലായി ഒരുക്കിയ 25,231 ബൂത്തുകളില് വോട്ടെടുപ്പ് പ്രക്രിയകള്ക്ക് നിയോഗിച്ചത് 1,01176 പോളിങ് ഉദ്യോഗസ്ഥരെ... ഒരു ബൂത്തില് പ്രിസൈഡിങ് ഓഫിസര് അടക്കം നാല് ഉദ്യോഗസ്ഥരാണ് വോട്ടെടുപ്പ് നിയന്ത്രിക്കുക. സ്ത്രീകള് മാത്രം നിയന്ത്രിക്കുന്ന 437 ബൂത്തും 30ല് താഴെയുള്ള യുവജനങ്ങള് നിയന്ത്രിക്കുന്ന 31 ബൂത്തും ഭിന്നശേഷിയുള്ള ജീവനക്കാര് നിയന്ത്രിക്കുന്ന ആറ് ബൂത്തും സംസ്ഥാനത്തുണ്ട്.
കൂടാതെ 316 എത്നിക് പോളിങ് ബൂത്തുകളും 131 തീം അടിസ്ഥാനമാക്കിയുള്ള ബൂത്തുകളും സജ്ജം. ഭിന്നശേഷി വോട്ടര്മാര്ക്കായി ബൂത്തുകളില് റാമ്പും വീല്ച്ചെയറും ഒരുക്കി. കാഴ്ചപരിമിതിയുള്ളവര്ക്കായി ബ്രെയിലി ലിപിയിലുള്ള വോട്ടിങ് യന്ത്രങ്ങളും എത്തിച്ചു.
ഭിന്നശേഷി വോട്ടര്മാര്ക്കും മുതിര്ന്ന പൗരന്മാര്ക്കും പ്രത്യേക ക്യൂ സൗകര്യമുണ്ടാവും. കൂടാതെ ആംഗ്യഭാഷ സൗകര്യം, ഭിന്നശേഷി വോട്ടര്മാര്ക്ക് യാത്രാസൗകര്യം എന്നിവയും ഏര്പ്പെടുത്തി. പ്രശ്നബാധിത ബൂത്തുകളിലെ വെബ് കാസ്റ്റിങ് മുഖ്യ തെരഞ്ഞെടുപ്പ് ഓഫീസറുടെ ഓഫിസിലും 20 ലോക്സഭ മണ്ഡലങ്ങളിലെ ആര്.ഒമാരുടെ കീഴിലും സജ്ജമാക്കിയ കണ്ട്രോള് റൂമുകളിലും തത്സമയം നിരീക്ഷിക്കുകയും ചെയ്യും.
"
https://www.facebook.com/Malayalivartha