ആലപ്പുഴ ഹരിപ്പാട് അതിഥി തൊഴിലാളി കുത്തേറ്റ് മരിച്ചു. കല്‍ക്കട്ട സ്വദേശി 42 കാരന്‍ ഓംപ്രകാശ് ആണ് കൊല്ലപ്പെട്ടത്. മത്സ്യ വില്പനയിലെ തര്‍ക്കമാണ് കൊലപാതകത്തിന് കാരണമെന്ന് സൂചന. കൊലയാളി മലയാളിയാണെന്ന് സൂചന. ഹരിപ്പാട് നാരകത്തറയിലാണ് സംഭവം. കൂടെ ഉണ്ടായിരുന്ന 4 പേരെ പൊലീസ് ചോദ്യം ചെയ്തു വരുന്നു.

സാമ്പത്തിക തര്‍ക്കമാണോ കൊലപാതകത്തിന് പിന്നില്‍ എന്നും അന്വേഷിക്കുന്നതായി പോലീസ് വ്യക്തമാക്കി. ഗൂഗിള്‍പേയില്‍ പണം നല്‍കുന്നതിനെച്ചൊല്ലിയുള്ള തര്‍ക്കമുണ്ടാവുകയായിരുന്നു. ഇത് കൊലപാതകത്തില്‍ കലാശിക്കുകയായിരുന്നുവെന്നാണ് സൂചന. മൃതദേഹം ഹരിപ്പാട് താലൂക്ക് ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്നു.