നെടുമ്പാശേരി വിമാനത്താവളത്തില് ആറ് കോടിയുടെ കൊക്കെയിനുമായി കെനിയന് പൗരന് അറസ്റ്റില്
നെടുമ്പാശേരി വിമാനത്താവളത്തില് ആറ് കോടിയുടെ കൊക്കെയിനുമായി കെനിയന് പൗരന് അറസ്റ്റില്. ഈ മാസം 19ാം തീയതിയാണ് മയക്കുമരുന്നുമായി വിദേശ പൗരനെ പിടികൂടുന്നത്. ക്യാപ്സ്യൂള് രൂപത്തില് ശരീരത്തില് ഒളിപ്പിച്ച് കടത്തുകയായിരുന്നു. 50ഓളം ക്യാപ്സൂളുകളാണ് ഇയാളുടെ ശരീരത്തിലുണ്ടായിരുന്നത്. കഴിഞ്ഞ ദിവസമാണ് പ്രതിയെ ഡിആര്ഐ റിമാന്ഡ് ചെയ്യുന്നത്. ഇയാള് ലഹരി കടത്തുന്ന വിവരം ഡിആര്ഐക്ക് ലഭിച്ചിരുന്നു.
കൊച്ചിയില് എത്തിയ ഉടന് ഇയാളുടെ ലഗേജ് പരിശോധിച്ചെങ്കിലും ഒന്നും കണ്ടെത്താന് സാധിച്ചില്ല. ശരീരത്തിനുള്ളില് ഒളിപ്പിച്ച് കടത്തുന്നതായി സംശയം തോന്നിയതിനെ തുടര്ന്ന് നടത്തിയ പരിശോധനയിലാണ് ലഹരി കണ്ടെത്തിയത്. ഇയാളെ ഉടന് സ്വകാര്യ ആശുപത്രിയില് പ്രവേശിപ്പിച്ച് ക്യാപ്സൂളുകള് പുറത്തെടുത്തതോടെയാണ് കൊക്കെയിനാണെന്ന് മനസിലായത്. 668 ഗ്രാം കൊക്കെയിനാണ് ക്യാപ്സ്യൂള് രൂപത്തിലാക്കി കടത്താന് ശ്രമിച്ചത്.
https://www.facebook.com/Malayalivartha