മൂവാറ്റുപുഴ പുന്നമറ്റത്ത് സ്‌കോര്‍പിയോയും ബൈക്കും കൂട്ടി ഇടിച്ച് ഒരു മരണം. മൂവാറ്റുപുഴ ഇറിഗേഷന്‍ സബ് ഡിവിഷന്‍ ഓഫിസ് ജീവനക്കാരനായ പല്ലാരിമംഗലം കൂറ്റന്‍വേലി കൊമ്പനതോട്ടത്തില്‍ റോയി ആണ് (48) ആണ് മരിച്ചത്.

റോയി സഞ്ചരിച്ചിരുന്ന ബൈക്കില്‍ പുന്നമറ്റം പെട്രോള്‍ പമ്പിനു സമീപം വച്ച മൂവാറ്റുപുഴ ഭാഗത്തേക്കു വരികയായിരുന്ന സ്‌കോര്‍പിയൊ ഇടിക്കുകയായിരുന്നു.


അതേസമയം കോട്ടയം വെള്ളൂപ്പറമ്പില്‍ ബൈക്ക് നിയന്ത്രണം വിട്ട് വൈദ്യുതി പോസ്റ്റില്‍ ഇടിച്ച് യുവാവ് മരിച്ചു. നട്ടാശ്ശേരി സ്വദേശി അക്ഷയ് കുമാര്‍ (21) ആണ് മരിച്ചത്. ഒപ്പമുണ്ടായിരുന്ന പാറമ്പുഴ സ്വദേശി റോസ് മോഹനനെ (20) ഗുരുതര പരിക്കുകളോടെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചിരിക്കുകയാണ്.
ബംഗ്ലൂരുവില്‍ നഴ്‌സിംഗ് വിദ്യാര്‍ഥികളായ ഇരുവരും തെരഞ്ഞെടുപ്പില്‍ വോട്ട് ചെയ്യുന്നതിന് നാട്ടിലെത്തിയതായിരുന്നു.