മൂന്ന് പതിറ്റാണ്ടായി സൗദിയില് പ്രവാസ ജീവിതം നയിക്കുന്ന തിരുവനന്തപുരം സ്വദേശി ജിദ്ദയില് നിര്യാതനായി
മൂന്ന് പതിറ്റാണ്ടായി സൗദിയില് പ്രവാസ ജീവിതം നയിക്കുന്ന തിരുവനന്തപുരം സ്വദേശി ജിദ്ദയില് നിര്യാതനായി. ബീമാപള്ളി സ്വദേശി പരേതനായ മുഹമ്മദ് നൂഹിന്റെ മകന് മുഹമ്മദ് സലീം (54) ആണ് മരിച്ചത്.
അസുഖത്തെ തുടര്ന്ന് ജിദ്ദയിലെ സ്വകാര്യ ക്ലിനിക്കില് ചികിത്സയിലിരിക്കെ വെള്ളിയാഴ്ചയായിരുന്നു മരണം സംഭവിച്ചത്. മൂന്ന് പതിറ്റാണ്ടായി സൗദിയില് പ്രവാസ ജീവിതം നയിക്കുന്ന ഇദ്ദേഹം ഖമീസ് മുശൈത്ത് മുനിസിപ്പാലിറ്റിയില് 25 വര്ഷത്തോളം ഡ്രൈവറായി ജോലി ചെയ്തിരുന്നു. ശേഷം ടാക്സി ഡ്രൈവര് ആയി ജോലി ചെയ്തുവരികയായിരുന്നു.
അടുത്ത കാലത്താണ് ഖമീസ് മുശൈത്തില് നിന്നും ജിദ്ദയിലേക്ക് ജോലി മാറിയത്. അസീറില് ജീവകാരുണ്യ, സാമൂഹിക പ്രവര്ത്തന രംഗത്ത് സജീവ സാന്നിധ്യമായിരുന്നു. നിയമനടപടികള് പൂര്ത്തിയാക്കി മൃതദേഹം ഞായറാഴ്ച രാവിലെ ജിദ്ദ റുവൈസ് മഖ്ബറയില് ഖബറടക്കും. തുടര് നടപടികള്ക്കായി ഖമീസ് മുശൈത്തില് ജോലി ചെയ്യുന്ന മകന് സാബിര് ഖാന് ജിദ്ദയിലെത്തി. മാതാവ്:സുബൈദ. ഭാര്യ: ബീവി ജഹാന്. മൂന്നു മക്കളുണ്ട്.
"
https://www.facebook.com/Malayalivartha