തിരുവനന്തപുരം മേയറോട് മോശമായി പെരുമാറിയ സംഭവത്തില്‍ കെഎസ്ആര്‍ടിസി സിഎംഡിക്ക് റിപ്പോര്‍ട്ട് നല്‍കി
തിരുവനന്തപുരം മേയര്‍ ആര്യ രാജേന്ദ്രനോട് കെഎസ്ആര്‍ടിസി ഡ്രൈവര്‍ മോശമായി പെരുമാറിയ സംഭവത്തില്‍ കെഎസ്ആര്‍ടിസി സിഎംഡിക്ക് റിപ്പോര്‍ട്ട് നല്‍കി. ഡ്രൈവര്‍ നേരത്തെയും ആളുകളോട് മോശമായി പെരുമാറിയിട്ടുണ്ടെന്നാണ് റിപ്പോര്‍ട്ട്. ആര്യ രാജേന്ദ്രന്റെ പരാതിയില്‍ കണ്ടോണ്മെന്റ് പോലീസ് ഡ്രൈവര്‍ക്കെതിരെ കേസെടുത്തിരുന്നു. ഇന്നലെ രാത്രി തിരുവനന്തപുരത്ത് വച്ച് കാറില്‍ യാത്ര ചെയ്യുന്നതിനിടെയാണ് സൈഡ് നല്‍കുന്നത് ചോദ്യം ചെയ്തതിന് കെഎസ്ആര്‍ടിസി താല്‍ക്കാലിക ഡ്രൈവര്‍ യദു മേയറോട് മോശമായി പെരുമാറിയത്. അതേസമയം മേയര്‍ ആണെന്ന് അറിയില്ലായിരുന്നെന്നാണ് ഡ്രൈവര്‍ യെദുവിന്റെ വാദം.
മേയറോടും സഹോദന്റെ ഭാര്യയോടും മോശമായി പെരുമാറിയെന്നും അശ്ലീല രീതിയില്‍ പെരുമാറി എന്നുമാണ് പരാതി. ഈ സമയം ഇയാള്‍ ലഹരി ഉപയോഗിച്ചതായും പരാതിയുണ്ട്. അതിന് സമാനമായ ദൃശ്യങ്ങളും പുറത്ത് വന്നിട്ടുണ്ട്. ഡ്രൈവറില്‍ നിന്ന് മോശം പെരുമാറ്റം ഉണ്ടായതിനെ തുടര്‍ന്ന് മേയര്‍ ആര്യ രാജേന്ദ്രന്‍ ആണ് പോലീസിനെയും കെഎസ്ആര്‍ടിസി സിഎം ഡിയെയും വിവരമറിച്ചത്. തുടര്‍ന്ന് കണ്ടോണ്മെന്റ് പോലീസ് ഇയാള്‍ക്കെതിരെ കേസെടുത്തു. സംഭവത്തില്‍ കെഎസ്ആര്‍ടിസി സിഎംഡി അടിയന്തര റിപ്പോര്‍ട്ട് തേടുകയും ചെയ്തു.
നേരത്തെയും ഡ്രൈവര്‍ യെദു യാത്രക്കാരോടും, മറ്റു വാഹനങ്ങളിലെ ഡ്രൈവര്‍മാരോടും മോശമായി പെരുമാറാറുണ്ടെന്നാണ് റിപ്പോര്‍ട്ടുണ്ട്. റിപ്പോര്‍ട്ടിന്റെ അടിസ്ഥാനത്തില്‍ താത്കാലിക ജീവനക്കാരന്‍ കൂടിയായ ഡ്രൈവര്‍ക്കെതിരെ നടപടിയുണ്ടാകുമെന്നാണ് വിവരം.
https://www.facebook.com/Malayalivartha
