മാഹിയില് ജോലി ചെയ്യുന്നതിനിടെ സൂര്യാഘാതമേറ്റ് ചികിത്സയില് കഴിയുകയായിരുന്ന പന്തക്കല് സ്വദേശി മരിച്ചു
മാഹിയില് ജോലി ചെയ്യുന്നതിനിടെ സൂര്യാഘാതമേറ്റ് ചികിത്സയില് കഴിയുകയായിരുന്ന പന്തക്കല് സ്വദേശി മരിച്ചു. ഉടുമ്പന്റവിടെ മതേമ്പത്ത് യു.എം. വിശ്വനാഥന് (53) ആണ് കണ്ണൂര് ചാലയിലെ സ്വകാര്യ ആശുപത്രിയില് മരിച്ചത്.
നെടുംബ്രത്തെ പറമ്പില് കിണര് നിര്മ്മാണ പ്രവൃത്തി നടത്തുന്നതിനിടെയാണ് വിശ്വനാഥന് സൂര്യാഘാതമേറ്റത്. കിണര് കുഴിക്കല് പൂര്ത്തിയായി പടവുകള് കെട്ടുന്നതിനിടയിലാണ് സൂര്യാഘാതമേറ്റത്. കുഴഞ്ഞുവീണ വിശ്വനാഥനെ ഉടന് പള്ളൂര് സാമൂഹികാരോഗ്യ കേന്ദ്രത്തിലെത്തിച്ച് പ്രാഥമിക ചികിത്സ നല്കി.
തുടര്ന്ന് മഞ്ഞോടിയിലെ സഹകരണ ആശുപത്രിയിലേക്ക് മാറ്റിയിട്ടുണ്ടായിരുന്നു. എന്നാല്, ആരോഗ്യ സ്ഥിതി ഗുരുതരമായതോടെ വിദഗ്ധ ചികിത്സക്കായി കണ്ണൂരിലെ ആശുപത്രിയിലേക്ക് മാറ്റി. പക്ഷേ, ഇന്നലെ ജീവന് നഷ്ടമായി. വിശ്വനാഥന്റെ ഭാര്യ: പ്രജിഷ. രണ്ടു മക്കളുണ്ട്.
"
https://www.facebook.com/Malayalivartha