കനത്ത ഉഷ്ണ തരംഗത്തിന്റെ പശ്ചാത്തലത്തില് പാലക്കാട് ജില്ലയിലെ എല്ലാം വിദ്യാഭ്യാസ സ്ഥാപനങ്ങളും അടച്ചിടും
കനത്ത ഉഷ്ണ തരംഗത്തിന്റെ പശ്ചാത്തലത്തില് പാലക്കാട് ജില്ലയിലെ എല്ലാം വിദ്യാഭ്യാസ സ്ഥാപനങ്ങളും അടച്ചിടും. സംസ്ഥാന ദുരന്ത നിവാരണ അതോറിറ്റിയുടെ ആവശ്യപ്രകാരം ജില്ലാ കലക്ടര് ഡോ എസ് ചിത്രയാണ് ഉത്തരവിട്ടത്. മെയ് 2 വരെ പ്രൊഫഷണല് കോളേജുകളടക്കം എല്ലാ വിദ്യാഭ്യാസ സ്ഥാപനങ്ങളും അടച്ചിടാനാണ് നിര്ദ്ദേശം. അഡീഷണല് ക്ലാസുകള് പാടില്ലെന്നും കോളേജുകളിലും ക്ലാസുകള് നടത്തരുതെന്ന് കലക്ടര് അറിയിച്ചു. പാലക്കാട് ജില്ലയിലെ ചില പ്രദേശങ്ങളില് ഇന്ന് ഉഷ്ണതരംഗ സാധ്യത തുടരുന്നതിനാല് കേന്ദ്ര കാലാവസ്ഥ വകുപ്പ് ഓറഞ്ച് അലര്ട്ട് പ്രഖ്യാപിച്ചിരുന്നു. വരും ദിവസങ്ങളിലും സമാന മുന്നറിയിപ്പ് പ്രതീക്ഷിച്ചാണ് സംസ്ഥാന ദുരന്ത നിവാരണ അതോറിറ്റിയുടെ ഇടപെടല്.
ഇതിനിടെ സംസ്ഥാനത്ത് ഉഷ്ണതരംഗ സാധ്യത നിലനില്ക്കുകയും പകല് താപനില ക്രമാതീതമായി ഉയരുകയും ചെയ്യുന്ന പശ്ചാത്തലത്തില് എല്ലാ സര്ക്കാര് സ്വകാര്യ ഐടികള്ക്കും നാളെ (30 4 2024 )മുതല് മേയ് 4 വരെ അവധി പ്രഖ്യാപിച്ചതായി ഡയറക്ടര് അറിയിച്ചു.ആള് ഇന്ത്യ ട്രേഡ് ടെസ്റ്റ് അടുത്ത സാഹചര്യത്തില് സിലബസ് പൂര്ത്തിയാക്കേണ്ടതിനാല് ഈ ദിവസങ്ങളില് റെഗുലര് ക്ലാസുകള്ക്ക് പകരം ഓണ്ലൈന് ക്ലാസുകള് നടത്തും. വിദ്യാര്ത്ഥികളും അധ്യാപകരും ഇതിനാവശ്യമായ സംവിധാനങ്ങളും ക്രമീകരണങ്ങളും ഏര്പ്പെടുത്തണം . ഉദ്യോഗസ്ഥരും അധ്യാപകരും സ്ഥാപനങ്ങളില് ഹാജരാകണമെന്നും ഡയറക്ടര് നിര്ദ്ദേശിച്ചു
ജില്ലയൊട്ടാകെ തണ്ണീര് പന്തലുകള് ഒരുക്കണമെന്നും പകല് 11 മുതല് മൂന്ന് വരെ എല്ലാ പുറംവിനോദങ്ങളും ഒഴിവാക്കണമെന്നും കലക്ടര് നിര്ദ്ദേശം നല്കിയിട്ടുണ്ട്. ഗര്ഭിണികളും കിടപ്പ് രോഗികളുമുള്ള ആശുപത്രി വാര്ഡുകളില് ചൂട് കുറയ്ക്കുന്നതിനുള്ള സജ്ജീകരണങ്ങള് കൂടുതലായി ഒരുക്കാനും സാമനമായ നിലയില് വയോജന കേന്ദ്രങ്ങളിലും ചൂട് കുറയ്ക്കാനും ഇടപെടല് ആവശ്യപ്പെട്ടിട്ടുണ്ട്.
അതേസമയം കൊല്ലം, തൃശൂര് ജില്ലകളില് കേന്ദ്രകാലാവസ്ഥ വകുപ്പ് മഞ്ഞ അലര്ട്ടും പ്രഖ്യാപിച്ചിട്ടുണ്ട്. ഏപ്രില് 29 മുതല് മെയ് 03 വരെ പാലക്കാട് ജില്ലയില് ഉയര്ന്ന താപനില 41°C വരെയും, കൊല്ലം, തൃശൂര് ജില്ലകളില് ഉയര്ന്ന താപനില 40°C വരെയും, കോഴിക്കോട് ജില്ലയില് ഉയര്ന്ന താപനില 39°C വരെയും, ആലപ്പുഴ, പത്തനംതിട്ട, കോട്ടയം, കണ്ണൂര് ജില്ലകളില് ഉയര്ന്ന താപനില 38°C വരെയും, എറണാകുളം, മലപ്പുറം, കാസറഗോഡ് ജില്ലകളില് ഉയര്ന്ന താപനില 37°C വരെയും, തിരുവനന്തപുരം ജില്ലയില് ഉയര്ന്ന താപനില 36°C വരെയും (സാധാരണയെക്കാള് 3 - 5°C കൂടുതല്) ഉയരാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു. മലയോര മേഖലകളിലൊഴികെ 2024 ഏപ്രില് 29 മുതല് മെയ് 03 വരെ ചൂടും ഈര്പ്പവുമുള്ള കാലാവസ്ഥയ്ക്ക് സാധ്യതയുണ്ട്.
https://www.facebook.com/Malayalivartha