കണ്ണൂരില് അമ്മയേയും മകളേയും വീട്ടിനുള്ളില് മരിച്ച നിലയില് കണ്ടെത്തി
കണ്ണൂരില് അമ്മയേയും മകളേയും വീട്ടിനുള്ളില് മരിച്ച നിലയില് കണ്ടെത്തി. കൊറ്റാളിക്കാവിനു സമീപം സുവിഷത്തില് സുനന്ദ വി.ഷേണായി (78), മകള് ദീപ വി.ഷേണായി (44) എന്നിവരാണ് മരിച്ചത്. വീട്ടില് നിന്ന് ദുര്ഗന്ധം വമിച്ചതിനെ തുടര്ന്ന് നടത്തിയ പരിശോധനയിലാണ് മൃതദേഹങ്ങള് കണ്ടെത്തിയത്. മൃതദേഹങ്ങള്ക്ക് മൂന്നു ദിവസത്തെ പഴക്കമുണ്ട്. പൊലീസ് സ്ഥലത്തെത്തി പരിശോധന തുടങ്ങി.
ഇന്ന് രാവിലെ ദുര്ഗന്ധം വമിക്കാന് തുടങ്ങിയതോടെ അയല്വാസികളില് ചിലര് വന്നു നോക്കിയത്. ഇതോടെ ഇരുവരെയും മരിച്ച നിലയില് കണ്ടെത്തുകയായിരുന്നു. സുനന്ദയുടെ മൃതദേഹം ഡൈനിങ് ഹാളിലും ദീപയുടെ മൃതദേഹം അടുക്കളയിലും കിടക്കുന്ന നിലയിലായിരുന്നു. വീട്ടിലെ ഫാനും ലൈറ്റുകളും ഓണ് ചെയ്ത നിലയിലായിരുന്നു. തുടര്ന്ന് നാട്ടുകാര് പൊലീസില് വിവരം അറിയിച്ചു.
മരിച്ചവര് മംഗലാപുരം സ്വദേശികളാണെന്ന് നാട്ടുകാര് പറയുന്നു. പത്തു വര്ഷത്തോളമായി ഇവര് ഇവിടെയാണ് താമസം. നാട്ടുകാരുമായി ഇവര്ക്ക് വലിയ ബന്ധമുണ്ടായിരുന്നില്ല. പരേതനായ വിശ്വനാഥ ഷേണായിയാണ് സുനന്ദയുടെ ഭര്ത്താവ്. ദീപ അവിവാഹിതയാണ്. മൂന്നു ദിവസം മുന്പ് ഇവര് വോട്ടു ചെയ്യാനായി പോയിരുന്നു. അതിനു ശേഷം ഇവരെ ആരും പുറത്തു കണ്ടിട്ടില്ല.
https://www.facebook.com/Malayalivartha