അമ്പലപ്പുഴയില്‍ ബൈക്ക് ഇടിച്ച് പരുക്കേറ്റ് ചികിത്സയില്‍ കഴിഞ്ഞ ഗൃഹനാഥന്‍ മരിച്ചു....വീടിനു സമീപം നില്‍ക്കവേയായിരുന്നു അപകടം
30 APRIL 2024 04:46 AM IST
മലയാളി വാര്‍ത്ത
അമ്പലപ്പുഴയില്‍ ബൈക്ക് ഇടിച്ച് പരുക്കേറ്റ് ചികിത്സയില്‍ കഴിഞ്ഞ ഗൃഹനാഥന്‍ മരിച്ചു....വീടിനു സമീപം നില്‍ക്കവേയായിരുന്നു അപകടം. പുന്നപ്ര തെക്ക് പഞ്ചായത്ത് 14ാം വാര്‍ഡ് പുതുവല്‍ വീട്ടില്‍ അബൂബക്കര്‍ (86) ആണ് മരിച്ചത്.
തീരദേശപാതയില്‍ പൂമീന്‍ പൊഴി പാലത്തിന് വടക്ക് വീടിനു സമീപത്തായി നില്‍ക്കുമ്പോള്‍ ഈ മാസം 18 ന് പകല്‍ 11 നായിരുന്നു അപകടം നടന്നത്. വടക്കുദിശയില്‍ നിന്നെത്തിയ ബൈക്ക് അബൂബക്കറെ ഇടിക്കുകയായിരുന്നു. തലയ്ക്ക് ഗുരുതര പരിക്കേറ്റ ഇദ്ദേഹം വണ്ടാനം മെഡിക്കല്‍ കോളേജ് ആശുപത്രിയില്‍ ചികിത്സയില്‍ കഴിയവേ ഇന്നലെ രാവിലെ 10.30 ഓടെ മരിച്ചു. പോസ്റ്റുമോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടു നല്‍കി. ഭാര്യ: പരേതയായ ആസിയഉമ്മ. മക്കള്‍: ഫാത്തിമ, മൗല, കുഞ്ഞുമോന്‍, റംലത്ത്, അബ്ദുള്‍ ലത്തീഫ് , മനാഫ്. മരുമക്കള്‍: കോയ, ലൈല, ഷാഹിദ, നൗഫല്‍, ഹസീന, നിസ.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
