സങ്കടം അടക്കാനാവാതെ നിലവിളിച്ച്.... കൊട്ടാരക്കരയില്‍ ബൈക്കും കാറും കൂട്ടിയിടിച്ചുണ്ടായ അപകടത്തില്‍ ബൈക്ക് യാത്രികന് ദാരുണാന്ത്യം. കൊച്ചാലുംമൂട് തിരുവാതിരയില്‍ മധുസൂദനന്‍ പിള്ള (51) ആണ് മരിച്ചത്.

ഞായറാഴ്ച രാത്രി എട്ട് മണിയോടെ കൊച്ചാലുംമൂട് ജംഗ്ഷന് സമീപമായിരുന്നു സംഭവം. കൊട്ടാരക്കര പാരിപ്പള്ളി റൂട്ടില്‍ വന്ന തൃശ്ശൂര്‍ സ്വദേശികള്‍ സഞ്ചരിച്ച കാറുമായി കൂട്ടിയിടിച്ചായിരുന്നു അപകടം നടന്നത്.

കൊട്ടാരക്കര മുനിസിപ്പല്‍ സര്‍വീസ് സഹകരണ ബാങ്ക് ജീവനക്കാരനും സി.പി.ഐ.എം. തൃക്കണ്ണമംഗല്‍ ലോക്കല്‍ കമ്മിറ്റി അംഗവുമാണ് മധുസൂദനന്‍ പിള്ള. ഭാര്യ: സിന്ധു, രണ്ടു മക്കളുണ്ട്.