അപ്രഖ്യാപിത ലോഡ് ഷെഡ്ഡിങ്ങ് .... സംസ്ഥാനത്ത് ലോഡ് ഷെഡ്ഡിങ്ങ് വേണമെന്ന് സര്ക്കാരിനോട് കെഎസ്ഇബി.. .
സംസ്ഥാനത്ത് ലോഡ് ഷെഡ്ഡിങ്ങ് വേണമെന്ന് സര്ക്കാരിനോട് കെഎസ്ഇബി. വൈദ്യുതി മന്ത്രിയോട് കെഎസ്ഇബി ആവശ്യം വീണ്ടുമുന്നയിച്ചു. എന്നാല് മന്ത്രി ഇതിന് മറുപടി നല്കിയിട്ടില്ല. ഓവര് ലോഡ് കാരണമാണ് പലയിടത്തും അപ്രഖ്യാപിത ലോഡ് ഷെഡ്ഡിങ്ങ് നടത്തേണ്ടി വരുന്നത്. അമിത ലോഡ് കാരണം പലയിടത്തും ട്രാന്ഫോര്മറുകള്ക്ക് കേടുപാടുകള് സംഭവിക്കുന്നു. ഇതുവരെ 700 ലേറെ ട്രാന്സ്ഫോര്മറുകള്ക്ക് തകരാര് സംഭവിച്ചതായും വ്യക്തമാക്കി കെഎസ്ഇബി .
സംസ്ഥാനത്ത് വൈദ്യുതി ഉപഭോഗം സര്വകാല റെക്കോര്ഡും പിന്നിട്ട് കുതിക്കുന്നു. ഇന്നലെ 11.31 കോടി യൂണിറ്റാണ് ഉപയോഗിച്ചത്. ഏപ്രില് 09 ലെ റെക്കോര്ഡാണ് ഇന്നലെ മറികടന്നത്.
പീക്ക് സമയത്തെ വൈദ്യുതി ഉപഭോഗവും കുതിക്കുന്നു.പീക്ക് സമയത്തെ വൈദ്യുതി ഉപഭോഗം കുറയ്ക്കണമെന്ന് ജനങ്ങളോട് പലതവണ ആവശ്യപ്പെട്ടിരുന്നു. എന്നാല് ഉപഭോഗത്തില് കുറവുണ്ടാകുന്നില്ല എന്നു മാത്രമല്ല, വലിയ തോതില് വര്ധനവാണ് ഉണ്ടാകുന്നത്. ഇതുമൂലം ഫീഡറുകള്ക്കും ട്രാന്സ്ഫോര്മറുകള്ക്കും കേടുപാടുകളും സംഭവിക്കുന്നു.
ഇതു മറികടക്കാനായി സംസ്ഥാനത്ത് ലോഡ് ഷെഡ്ഡിങ് വേണമെന്നാണ് കെഎസ്ഇബി ആവശ്യപ്പെടുന്നത്. ലോഡ് ഷെഡ്ഡിങ്ങ് നടപ്പാക്കുന്നത് സംബന്ധിച്ച് തീരുമാനമെടുക്കാനായി നാളെ ഉന്നതതല സമിതി യോഗം ചേരുമെന്നാണ് സൂചനകളുള്ളത്.
"
https://www.facebook.com/Malayalivartha