സംസ്ഥാനത്ത് സ്വര്ണവിലയില് മാറ്റമില്ല... ഗ്രാമിന് 6655 രൂപയും പവന് 53,240 രൂപയുമാണ്
സംസ്ഥാനത്ത് ഗ്രാമിന് 6655 രൂപയും പവന് 53,240 രൂപയുമാണ് ഇന്നത്തെ സ്വര്ണവില വില. ഇന്നലേയും വില ഇത് തന്നെയായിരുന്നു. കഴിഞ്ഞ കുറച്ച് ദിവസങ്ങളിലായി സ്വര്ണവില കൂടിയും കുറിഞ്ഞും ചാഞ്ചാട്ടം തുടരുകയാണ്. മാര്ച്ച് മാസം 29ന് ആണ് ആദ്യമായി സ്വര്ണവില 50,000 കടന്നത്. അന്ന് ഒറ്റയടിക്ക് 440 രൂപ വര്ധിച്ച് 50,400 രൂപയായാണ് സ്വര്ണവില ഉയര്ന്നത്. പിന്നീടുള്ള ദിവസങ്ങളില് ഏറിയും കുറഞ്ഞും നിന്ന സ്വര്ണവിലയാണ് ഈ മാസം മൂന്നാം തീയതി മുതല് വീണ്ടും ഉയരാന് തുടങ്ങിയത്. കഴിഞ്ഞ ദിവസങ്ങളില് സ്വര്ണവില കുറഞ്ഞിരുന്നു.
എന്നാല് ഏപ്രില് ഒന്ന് മുതല് 50,000 ത്തിന് മുകളില് സ്വര്ണവില തുടരുകയാണ്. കഴിഞ്ഞ കുറെ നാളുകളായി റെക്കോഡ് വിലയിലാണ് കേരളത്തില് സ്വര്ണ വ്യാപാരം നടത്തുന്നത്. ഏപ്രില് തുടങ്ങിയത് തന്നെ സര്വകാല റെക്കോഡോടെയാണ്. ഓള് കേരള ഗോള്ഡ് ആന്ഡ് സില്വര് മര്ച്ചന്റ്സ് അസോസിയേഷന്' (എകെജിഎസ്എംഎ) സംസ്ഥാന കമ്മിറ്റി നിശ്ചയിച്ചിട്ടുള്ള മൂന്ന് അംഗ കമ്മിറ്റിയാണ് സംസ്ഥാനത്ത് സ്വര്ണ വില നിശ്ചയിക്കുന്നത്. ഓരോ ദിവസത്തെയും ഡോളര് വില, രൂപയുടെ വിനിമയ നിരക്ക്, രാജ്യാന്തര വിലയ്ക്കനുസരിച്ച് ഇന്ത്യയില് 24 കാരറ്റ് സ്വര്ണത്തിന്റെ ബാങ്ക് നിരക്ക്, മുംബൈയില് ലഭ്യമാകുന്ന സ്വര്ണത്തിന്റെ നിരക്കുകള് ഇതെല്ലാം അവലോകനം ചെയ്താണ് ഓരോ ദിവസത്തെയും സ്വര്ണവില ഇവര് നിശ്ചയിക്കുന്നത്.
കേരളത്തിലെ 95% സ്വര്ണ വ്യാപാരികളും ഇന്ത്യയിലെ ഒട്ടുമിക്ക സംസ്ഥാനങ്ങളിലെയും അസോസിയേഷനുകളും കമ്മിറ്റി നിശ്ചയിക്കുന്ന വിലയാണ് പിന്തുടരുന്നത്. 24 കാരറ്റിന്റെ സ്വര്ണ വില ജിഎസ്ടി അടക്കം ഉള്ള തുകയില് നിന്ന് ജിഎസ്ടി ഇല്ലാതെയുള്ള വിലയെ 916 കൊണ്ട് ഗുണിച്ച് ലഭിക്കുന്ന തുകയെ 995 കൊണ്ട് ഹരിക്കുമ്പോള് ഒരു തുക ലഭിക്കും. ഇതോടൊപ്പം 35 രൂപ ലാഭവിഹിതം ചേര്ത്താണ് ഒരു ഗ്രാം 22 കാരറ്റ് സ്വര്ണത്തിന്റെ അന്നേ ദിവസത്തെ വില കണക്കാക്കുന്നത്.
https://www.facebook.com/Malayalivartha