കൊറ്റാളിയില് അമ്മയും മകളും മരിച്ചത് വ്യത്യസ്ത സമയങ്ങളിലെന്ന് പോസ്റ്റുമോര്ട്ടം റിപ്പോര്ട്ട്.... അമ്മ സുനന്ദ വി ഷേണായിയുടെ മൃതദേഹത്തിന് ഒരു ദിവസത്തെ പഴക്കവും മകള് ദീപ വി ഷേണായിയുടെ മൃതദേഹത്തിന് രണ്ടുദിവസത്തെ പഴക്കവും...മരണകാരണത്തിന് വ്യക്തത വരാന് രാസ പരിശോധനാഫലം കാത്ത് പോലീസ്
കൊറ്റാളിയില് അമ്മയും മകളും മരിച്ചത് വ്യത്യസ്ത സമയങ്ങളിലെന്ന് പോസ്റ്റുമോര്ട്ടം റിപ്പോര്ട്ട്. പോസ്റ്റുമോര്ട്ടം റിപ്പോര്ട്ടില് അമ്മ സുനന്ദ വി ഷേണായിയുടെ മൃതദേഹത്തിന് ഒരു ദിവസത്തെ പഴക്കവും മകള് ദീപ വി ഷേണായിയുടെ മൃതദേഹത്തിന് രണ്ടുദിവസത്തെ പഴക്കവും...മരണകാരണത്തിന് വ്യക്തത വരാന് രാസ പരിശോധനാഫലം കാത്ത് പോലീസ്.
കഴിഞ്ഞ തിങ്കളാഴ്ചയാണ് അമ്മ സുനന്ദയുടെയും മകള് ദീപയുടെയും മൃതദേഹം കൊറ്റാളിയിലെ വീട്ടില് കണ്ടെത്തിയത്. പോസ്റ്റുമോര്ട്ടം റിപ്പോര്ട്ട് അനുസരിച്ച് അമ്മ സുനന്ദ വി ഷേണായിയുടെ മൃതദേഹത്തിന് ഒരു ദിവസത്തെ പഴക്കവും മകള് ദീപ വി ഷേണായിയുടെ മൃതദേഹത്തിന് രണ്ടുദിവസത്തെ പഴക്കവും ആണുള്ളത്.
വീട്ടില് എഴുപത്തിയെട്ടുകാരി സുനന്ദയും 48 കാരി മകള് ദീപയും മാത്രമായിരുന്നു താമസിച്ചിരുന്നത്. ദുര്ഗന്ധത്തെ തുടര്ന്ന് അയല്വാസി രാവിലെ നോക്കിയപ്പോഴാണ് ഇരുവരും മരിച്ചു കിടക്കുന്നത് കണ്ടത്.
ജനലുകളും വാതിലും തുറന്നിട്ട നിലയിലായിരുന്നു. ദീപയെ ഡൈനിങ് ഹാളിലും സുനന്ദയെ അടുക്കളയോട് ചേര്ന്നുമാണ് കണ്ടത്. വിഷാംശം അകത്ത് ചെന്നതാവാം മരണകാരണമെന്നാണ് നിഗമനം.
"
കൊലപാതകത്തിനുള്ള സാധ്യതയില്ലെന്നും പ്രാഥമിക പരിശോധനയില് കണ്ടെത്തി. മരണകാരണത്തിന് വ്യക്തത വരാനായി രാസ പരിശോധനാഫലം കാത്തിരിക്കുകയാണെന്ന് പൊലീസ് .
https://www.facebook.com/Malayalivartha